Siddha Ganesh Dhol Pathak : श्री सिद्ध गणेश ढोल ताशा पथकाचा वाद्यपूजन सोहळा व सराव शुभारंभ उत्साहात संपन्न

या शुभप्रसंगी प्रथमतः श्री सिद्धिविनायक व हिंदवी स्वराज्याचे संस्थापक पुण्यश्लोक छत्रपती श्री शिवाजी महाराज तसेच पुण्यश्लोक अहिल्यादेवी होळकर यांना वंदन करून कार्यक्रमाची सुरुवात करण्यात आली. यावेळी प्रमुख पाहुणे म्हणून वादन क्षेत्रातील पुण्यातील सुप्रसिद्ध शोर्य ढोल ताशा पथकाचे आधारस्तंभ श्री. वीरेंद्र आरेकर व पथक प्रमुख वरूण आरेकर सुप्रसिद्ध ताशावादक पियुष गोखले व उत्कृष्ट ताशावादक फोक आर्टीस्ट शिवराज जाधव हे उपस्थित होते.

मंडळाचे अध्यक्षा डाॅ. राधिका चव्हाण हेरेकर यांनी प्रास्ताविक व उपस्थित मान्यवरांचे स्वागत केले.
यानंतर मंडळाचे उपाध्यक्ष प्रशांत खर्डेकर व सिध्देश जाधव यांनी मंडळाच्या वतीने उपस्थित प्रमुख पाहुण्यांचा सन्मान केला. सन्माननीय मान्यवरांनी सर्व वादकांना मार्गदर्शन( Siddha Ganesh Dhol Pathak ) केले.

” ढोल ताशा‌ झांज हे वाद्य अतिशय ऐतिहासिक व पारंपरिक असून त्याची परंपरा जतन करणे हे आपल्या वादकाचे कर्तव्य आहे ” असे मत श्री. वीरेंद्र आरेकर यांनी व्यक्त केले.

कार्यक्रमाचे सुत्रसंचलन अवधूत कुलकर्णी आणि आभार प्रदर्शन प्रशांत खेरडेकर यांनी केले.
कार्यक्रमाची सांगता मंगलमय वातावरणात पथकाचा सराव शुभारंभ करून करण्यात आली.
कार्यक्रम यशस्वी होण्यासाठी प्राजक्ता होनप , वैष्णवी आंबेकर, समृद्धी जोशी , मुक्ता भावसार , सानिका टकले , शुभम छाजेड , आर्य मेढी रोहन मराठे, व पथक प्रमुख साहिल गुप्ते, यश‌ झोडगे , ईशान धर्माधिकारी आदींनी परिश्रम ( Siddha Ganesh Dhol Pathak ) घेतले.