मावळ ऑनलाईन –पुणे जिल्ह्यातील (Pune Nagar Parishad Final Voter List-2025) १४ नगरपरिषदा आणि ३ नगरपंचायतींच्या निवडणुकांसाठीच्या अंतिम मतदार याद्या शुक्रवारी (दि. ३१) जाहीर करण्यात आल्या. प्रारूप यादीवर सुमारे ६० हजार हरकती आणि सूचना प्राप्त झाल्या होत्या. प्रत्येक नगरपरिषद आणि नगरपंचायतीच्या वतीने पथके तयार करून स्थळ पाहणी करण्यात आली आणि सर्व शंका-आक्षेपांचे निरसन करण्यात आले, अशी माहिती जिल्हा प्रशासनातील नगरविकास विभागाचे उपायुक्त व्यंकटेश दुर्वास यांनी दिली.
जिल्ह्यातील १४ नगरपरिषदा आणि ३ नगरपंचायतींसाठी (Pune Nagar Parishad Final Voter List-2025) प्रसिद्ध झालेल्या प्रारूप मतदार याद्यांवर एकूण ५९ हजार ९७८ हरकती प्राप्त झाल्या होत्या. यापैकी बहुतांश हरकती प्रभाग बदलाशी संबंधित होत्या. संबंधित मतदारांच्या घरांना प्रत्यक्ष भेट देऊन आणि तपासणी करून या तक्रारींची पडताळणी करण्यात आली.
Run for Unity : ‘रन फॉर युनिटी’मधून राष्ट्रीय एकात्मतेचा संदेश
Pune: सामाजिक स्थित्यंतरांसाठी साहित्यकृतींचे मोलाचे योगदान
या हरकतींपैकी तब्बल १८ हजार २३४ हरकती फुरसुंगी–उरुळी देवाची नगरपरिषदेच्या हद्दीतून प्राप्त झाल्या होत्या. प्रशासनाने ८ ऑक्टोबर रोजी प्रारूप मतदार यादी जाहीर केली होती, तर हरकती नोंदवण्यासाठी १३ ऑक्टोबरपर्यंत मुदत देण्यात (Pune Nagar Parishad Final Voter List-2025) आली होती. त्यानंतर ती मुदत वाढवून ३१ ऑक्टोबरपर्यंत करण्यात आली.
सुमारे ८० टक्के हरकती नागरिकांनी वैयक्तिकरीत्या नोंदवल्या होत्या. यामध्ये पत्ता एका प्रभागात असताना नाव दुसऱ्या प्रभागात नोंद झाल्याबाबतच्या तक्रारींचा समावेश होता. प्रशासनाने अशा प्रकरणांमध्ये संबंधित मतदारांच्या घरांची पडताळणी केली. इच्छुक मतदारांना उपविभागीय अधिकाऱ्यांसमोर आपली बाजू मांडण्याची संधी देण्यात आली आणि त्यानंतर अंतिम निर्णय घेण्यात आला. सर्व आक्षेप आणि हरकतींचा निपटारा पूर्ण झाल्याची माहिती उपायुक्त दुर्वास (Pune Nagar Parishad Final Voter List-2025) यांनी दिली.
राज्य निवडणूक आयोगाने ३१ ऑक्टोबरपर्यंत अंतिम मतदार याद्या प्रसिद्ध करण्याचे निर्देश दिले होते. त्यानुसार नगरपरिषद आणि नगरपंचायतींच्या मुख्याधिकाऱ्यांनी अंतिम मतदार याद्या अधिप्रमाणित करून जाहीर केल्या आहेत. या याद्या संबंधित नगरपरिषद व नगरपंचायतींच्या संकेतस्थळांवर तसेच कार्यालयांमध्ये उपलब्ध आहेत. मतदान केंद्रांची यादी ७ नोव्हेंबर (Pune Nagar Parishad Final Voter List-2025) रोजी जाहीर करण्यात येणार असल्याचेही दुर्वास यांनी सांगितले.
