मावळ ऑनलाईन –लोणावळा शहरात (Lonavala)एका तरुणीवर धावत्या कारमध्ये सामूहिक बलात्काराची धक्कादायक घटना शनिवारी (26 जुलै) समोर आली. पीडित तरुणीच्या तक्रारीवरून लोणावळा शहर पोलिस ठाण्यात तीन अज्ञात आरोपींविरोधात गुन्हा दाखल करण्यात आला असून त्यातील एकाला पोलिसांनी अटक केली आहे.
इतर दोन आरोपींना अटक करण्यासाठी पोलीस पथके रवाना करण्यात आली असल्याने पहिल्या आरोपीची ओळख पोलिसांनी सांगितली नाही. शनिवारी सकाळी नांगरगावातील दत्त सोसायटी परिसरात पीडित तरुणी संशयास्पद अवस्थेत आढळून आली. ग्रामस्थांनी पोलिसांना माहिती दिली. त्यानंतर पोलिसांनी तरुणीला वैद्यकीय तपासणीसाठी पाठवण्यात आले. त्यामध्ये तरुणीवर सामूहिक बलात्कार झाल्याचे निष्पन्न झाले.
Indrayani River : इंद्रायणी नदीच्या पाणी पातळीत वाढ; भक्ती सोपान पुलावरून पाणी
Ajit Pawar: हिंजवडीच्या विकासकामात अडथळे आणणाऱ्या विरोधात गुन्हे दाखल करा- अजित पवार यांचा स्पष्ट इशारा
पीडित तरुणीची याबाबत फिर्याद घेण्यात आली. ही घटना शुक्रवार (२५ जुलै) रात्री उशिरा घडली. तुंगार्ली गावाजवळच्या एका निर्जन रस्त्यावरून जात असताना तरुणीला एका कारमधील तीन जणांनी जबरदस्तीने गाडीत ओढून घेतले. आरोपींनी तिचा मोबाईल हिसकावून घेतला, तिचे तोंड दाबून आणि हात बांधून तिला वेगवेगळ्या ठिकाणी नेऊन अनेकवेळा बलात्कार केल्याचे फिर्यादीत नमूद आहे.
