मावळ ऑनलाईन –तळेगाव दाभाडे येथील (Talegaon Dabhade)नूतन महाराष्ट्र विद्या प्रसारक मंडळाच्या समर्थ शैक्षणिक संकुल येथे कै. ॲड. कु. शलाका संतोष खांडगे विधी महाविद्यालयाचा भव्य उद्घाटन सोहळा (दि ६) उत्साहात पार पडला.त्यावेळी डॉ गोसावी बोलत होते.
कार्यक्रमाच्या अध्यक्षस्थानी माजी राज्यमंत्री संजय तथा बाळा भेगडे हे उपस्थित होते. यावेळी प्रमुख पाहुणे म्हणून महाराष्ट्र राज्याचे अभियोग संचालनालयाचे संचालक अशोककुमार भिल्लारे,प्र – कुलगुरू, डॉ. पराग काळकर, मावळचे आमदार सुनिल शेळके, मानव विद्याशाखेचे डीन डॉ. विजय खरे, बार कौन्सिल ऑफ महाराष्ट्र आणि गोव्याचे मा.अध्यक्ष, ॲड. राजेंद्र उमाप, संस्थेचे सचिव संतोष खांडगे,संस्थेचे उपाध्यक्ष, गणेश खांडगे, खजिनदार, राजेश म्हस्के, सहसचिव, नंदकुमार शेलार, तसेच संस्थेचे संचालक दामोदर शिंदे, महेशभाई शहा,चंद्रकांत शेटे, सोनबा गोपाळे,विनायक अभ्यंकर, संस्थेचे कार्यकारी संचालक डॉ. गिरीष देसाई,अभियांत्रिकी महाविद्यालयाचे प्राचार्य डॉ. प्रमोद पाटील, विधी महाविद्यालयाचे प्राचार्य प्रा. कैलास पौळ, संत तुकाराम सहकारी साखर कारखान्याचे संचालक माऊली दाभाडे, ॲड नामदेव दाभाडे, दिपक हुलावळे यांच्यासह अनेक मान्यवर यावेळी उपस्थित होते.तसेच कार्यक्रमास शिक्षण क्षेत्रातील अनेक मान्यवर, स्थानिक लोकप्रतिनिधी तसेच विद्यार्थी मोठ्या संख्येने उपस्थित होते.
प्रा. डॉ.गोसावी म्हणाले की, विद्यार्थ्यांनी न्याय,प्रामाणिकपणा आणि सेवाभाव यांच्या मूल्यांवर आधारित कारकीर्द घडवावी.
यावेळी बोलताना ॲड. राजेंद्र उमाप म्हणाले की,कायद्याचे शिक्षण किंवा पदवी घेतल्यानंतर समाजातील सर्वसामान्य व्यक्तीला न्याय देण्याची भूमिका प्रत्येकांनी बजावली पाहिजे.
यावेळी बोलताना मावळचे आमदार मा. श्री. सुनिल शेळके म्हणाले की, तळेगाव दाभाडे हे तालुक्याचे शैक्षणिक हब बनलेले आहे त्यामुळे तालुक्यातील ग्रामीण भागातील गोर गरीब विद्यार्थ्यांना शिक्षणाची मोठी संधी उपलब्ध झाली आहे विधी महाविद्यालयामुळे नक्कीच जास्तीत जास्त कायदेतज्ञ तयार होतील.
अध्यक्षीय मनोगतात संजय तथा बाळा भेगडे म्हणाले की,पुढील काळात विधी महाविद्यालयाचे महत्व वाढेल विद्यार्थ्यांनी शिक्षण घेताना समाजव्यवस्थेला कोर्ट कचेरी पासून कसे दूर ठेवता येईल अशी व्यवस्था निर्माण करावी. या विधी महाविद्यालयात राष्ट्राला अपेक्षित कायदेतज्ञ तयार होतील.यावेळी डॉ. विजय खरे,डॉ. पराग काळकर, अशोक भिल्लारे यांनी आपली मनोगते व्यक्त केली.
Vadgaon Nagar Panchayat : वडगाव नगरपंचायत नगराध्यक्ष पदासाठी खुला प्रवर्ग महिला आरक्षण
PCCOE: पीसीसीओईची टेबल टेनिस स्पर्धेमध्ये विजयाची ‘हॅटट्रिक’
महाविद्यालयात आधुनिक वर्गखोल्या, समृद्ध वाचनालय, संगणक प्रयोगशाळा तसेच मूट कोर्ट रूमची सुविधा उपलब्ध आहेत याची पाहणी उपस्थित मान्यवरांनी केली.
या कार्यक्रमाचे प्रास्ताविक संस्थेचे सचिव व विधी महाविद्यालयाच्या कार्यकारणी समितीचे अध्यक्ष संतोष खांडगे यांनी केले, सुत्रसंचालन सुनिल बोरुडे व बापुसाहेब पवार यांनी केले आभार संस्थेचे संचालक विनायक अभ्यंकर यांनी मानले.
