मावळ ऑनलाईन –मावळ तालुक्यातील तळेगाव दाभाडे, सोमाटणे, (Talegaon Dabhade)देहुगाव व कामशेत येथे ऋषिपंचमी निमित्त महिलांसाठी श्री डोळसनाथ नागरी सहकारी पतसंस्थेच्यावतीने सामूहिक अथर्वशीर्ष पठण कार्यक्रमाचे आयोजन करण्यात आले आहे.
तळेगाव दाभाडे येथील मानाचा पाचवा गणपती श्री गणेश तरुण मंडळ व श्री डोळसनाथ नागरी सहकारी पतसंस्था यांच्या संयुक्त विद्यमाने हा उपक्रम राबविण्यात येत असून, गेली बारा वर्षे सातत्याने ही परंपरा जपली जात आहे.
पतसंस्थेचे संस्थापक सहकार भूषण बबनराव भेगडे, आधारस्तंभ संतोष भेगडे तसेच अध्यक्ष शरद भोंगाडे, उपाध्यक्ष समीर भेगडे, सचिव अतुल राऊत, खजिनदार अमित भसे व संचालक मंडळ यांच्या मार्गदर्शनाखाली हा कार्यक्रम होत आहे.
तळेगाव दाभाडे येथे सकाळी ७.३० वा. स्व. कासाबाई भेगडे सभागृह, विठ्ठल मंदिर, शाळा चौक येथे सामूहिक अथर्वशीर्ष पठण होईल.
सोमाटणे येथे सकाळी ८ वा. गोरक्षनाथ मठ येथे पठण होणार असून यावेळी अनिता मुऱ्हे (अगरबत्ती फॅक्टरी), सारीका मुऱ्हे (डब्बे पुरवठा), सविता मुऱ्हे (सामाजिक कार्यकर्त्या) व सोनाली आंद्रे (मेस खानावळ) या यशस्वी महिला उद्योजिकांचा सन्मान केला जाणार आहे.
Talegaon Dabhade: डिस्ट्रिक्ट मेंबरशिप सेमिनार २०२५ मध्ये रोटरी सिटीला तब्बल ८ अवॉर्ड!
देहुगाव येथे सकाळी ८ वा. श्री संत तुकाराम तरुण मंडळ येथे पठणाचे आयोजन केले असून, कामशेत येथे सकाळी ८ वा. श्री विठ्ठल मंदिर, गावठाण खडकाळे येथे सामूहिक अथर्वशीर्ष पठण होणार आहे.
या उपक्रमात महिलांनी मोठ्या संख्येने उपस्थित राहुन सहभागी व्हावे, असे आवाहन संस्थेचे आधारस्तंभ व पुणे जिल्हा नागरी सहकारी फेडरेशनचे सचिव संतोष भेगडे यांनी केले आहे. तसेच प्रत्येक सहभागी महिलेस आकर्षक भेटवस्तू देण्यात येणार असल्याचे अध्यक्ष शरद भोंगाडे यांनी सांगितले.
महिलांसाठी पतसंस्थेचा स्तुत्य उपक्रम
दरम्यान, सामाजिक व सांस्कृतिक उपक्रमांसोबतच श्री डोळसनाथ नागरी सहकारी पतसंस्था आर्थिक क्षेत्रातही उल्लेखनीय प्रगती करत आहे. संस्थेची वार्षिक उलाढाल तब्बल ₹२०५ कोटींवर पोहोचली असून,५० कोटींपेक्षा जास्त ठेवी, पाच हजारांहून अधिक सभासद आणि ४ शाखांच्या माध्यमातून संस्थेची वाटचाल अधिक भक्कम होत आहे.
यंदा गणेशोत्सवाच्या पार्श्वभूमीवर महिलांसाठी विशेष “महिला सन्मान ठेव योजना २०२५” जाहीर करण्यात आली आहे. या योजनेत २५ महिने कालावधीसाठी २५ हजार रुपयांच्या ठेवीवर नऊ टक्के व्याजदर आणि आईसाहेब महाकुंभ पैठणी भेट,५० हजार रुपयांच्या २५ महिने ठेवीवर नऊ टक्के व्याजदर आणि कांजीवरम पैठणी भेट, ७५ हजार रुपयांच्या ठेवीवर नऊ टक्के व्याजदर आणि डोला सिल्क पैठणी भेट, तर १ लाख रुपयांच्या ठेवीवर नऊ टक्के व्याजदर आणि महाराणी, लॉटस किंवा राजहंस पैठणी भेट मिळणार आहे.
याशिवाय पर्यायी बक्षीस योजनेअंतर्गत ३६ महिन्यांसाठी २५ हजार रुपयांच्या ठेवीवर नऊ टक्के व्याजदर आणि आकर्षक महाराणी लोट्स राजहंस पैठणी भेट, तसेच ३० महिन्यांसाठी ५० हजार रुपयांच्या ठेवीवर नऊ टक्के व्याजदर आणि महाराणी लोट्स राजहंस पैठणी भेट अशी विशेष तरतूद करण्यात आली आहे. या योजनांद्वारे महिलांचा सन्मान राखण्यासोबतच बचतीचे महत्त्व पटवून देण्याचा संस्थेचा प्रयत्न असल्याचे संस्थेचे सचिव अतुल राऊत व खजिनदार अमित भसे, उपाध्यक्ष समीर भेगडे आदी पदाधिकाऱ्यांनी सांगितले.
