तळेगाव स्टेशन येथे (Talegaon Accident) कंटेनरच्या धडकेने दुचाकीस्वार तरुणाचा मृत्यू
मावळ ऑनलाईन – किराणा साहित्य आणायला गेलेल्या दुचाकीस्वार तरुणाला कंटेनरने धडक दिली. यात डोक्यास मार लागून गंभीर जखमी झालेल्या दुचाकीस्वार तरुणाचा मृत्यू झाला. तळेगाव स्टेशन येथे (Talegaon Accident) वडगाव-तळेगाव रस्त्यावर रविवारी (दि. ३०) रात्री साडेनऊच्या सुमारास हा अपघात झाला.
निखिल रामदास ननावरे (३०, रा. मलठण, ता. फलटण, जि. सातारा) असे मृत्यू झालेल्या दुचाकीस्वाराचे नाव आहे.
चंद्रप्रकाश रामकृपाल यादव (२८, रा. सुलतानपूर, जि. प्रितीपूर, उत्तरप्रदेश) याच्या विरोधात पोलिसांनी गुन्हा दाखल केला.
दत्तात्रय किसन राऊत (३४, रा. भिसे काॅलनी, वराळे, ता. मावळ) यांनी याप्रकरणी सोमवारी (दि. ३१ मार्च) तळेगाव दाभाडे (Talegaon Accident) पोलीस ठाण्यात फिर्याद दिली.
Indori News : इंदोरी भुईकोट किल्ल्यात फडकला ६१ फूट उंच भगवा ध्वज!
पोलिसांनी दिलेल्या माहितीनुसार, फिर्यादी दत्तात्रय यांचा मेव्हणा निखिल ननावरे हे दोन दिवसांपूर्वी कामाच्या शोधानिमित्त फिर्यादी दत्तात्रय यांच्याकडे राहण्यास आले होते. दरम्यान, रविवारी रात्री किराणा साहित्य घेण्यास निखिल घरातून बाहेर पडले. त्यावेळी वडगाव-तळेगाव रस्त्यावर चंद्रप्रकाश यादव याने त्याच्या ताब्यातील कंटेनर भरधाव चालवून निखील यांच्या दुचाकीला धडक दिली. कंटेनरच्या धडकेने निखिल यांच्या डोक्यास मार लागून ते गंभीर जखमी झाले. त्यांना रुग्णालयात दाखल केले. मात्र, उपचारापूर्वीच निखिल यांचा (Talegaon Accident) मृत्यू झाल्याचे डाॅक्टरांनी घोषित केले.
Crime News: अपघातानंतर धमकी देऊन गाडीच्या चाव्या काढून घेणे पडले महागात
पाठलाग करून कंटेनरचालकाला पकडले
अपघातानंतर कंटेनरचालक चंद्रप्रकाश यादव हा घटनास्थळी न थांबता पळून जात होता. त्याला पुढे जाऊन पकडण्यात येऊन पोलिसांच्या ताब्यात देण्यात आले.
निखिल हे रात्री नऊच्या सुमारास किराणा साहित्य घेण्यासाठी घराबाहेर पडले. त्यानंतर साडेनऊच्या सुमारास निखिल यांच्या फोनवरून बहीण मोनिका यांच्या फोनवर काॅल आला. निखिल यांचा अपघात झाला असल्याचे त्यांना सांगण्यात आले. त्यामुळे निखिल यांची बहीण मोनिका आणि कुटुंबीयांना मोठा धक्का बसला.
