मावळ ऑनलाईन – मावळ विचार मंच आयोजित सरस्वती व्याख्यानमालेच्या ( Saraswati Lecture Series) रौप्य महोत्सवी वर्षाच्या अध्यक्षपदी पंचायत समितीचे माजी सभापती गुलाबराव म्हाळसकर यांची निवड करण्यात आली. यावेळी संस्थेच्या नूतन कार्यकारिणीचीही घोषणा करण्यात आली. ही निवड संस्थापक अध्यक्ष भास्करराव म्हाळसकर आणि कार्याध्यक्ष डॉ. रवींद्र आचार्य यांच्या प्रमुख उपस्थितीत करण्यात आली.
नवीन कार्यकारिणीमध्ये खालील पदाधिकाऱ्यांची निवड करण्यात आली. ( Saraswati Lecture Series)
अध्यक्ष : गुलाबराव म्हाळसकर
कार्याध्यक्ष : अजित देशपांडे,
उपाध्यक्ष : ॲड दामोदर भंडारी,
कार्यक्रमप्रमुख : धनश्री भोंडवे व प्रिया राऊत,
सचिव : गिरीश गुजराणी
खजिनदार : संतोष भालेराव,
प्रसिद्धिप्रमुख: अतुल म्हाळसकर
या वेळी वडगाव विविध कार्यकारी सोसायटीचे अध्यक्ष नारायणराव ढोरे, वडगाव शहर भाजपचे अध्यक्ष संभाजीराव म्हाळसकर,मावळ विचार मंचाचे संचालक बाळासाहेब बोरावके, ( Saraswati Lecture Series) अरुण वाघमारे, माजी नगरसेवक भूषण मुथा, शंकरराव भोंडवे, दीपक भालेराव, कल्पेश भोंडवे, अतुल राऊत, भाजयुमो अध्यक्ष आतिश ढोरे, कुलदीप ढोरे, अमोल ठोंबरे, सुयश म्हाळसकर, दीपक शास्त्री यांचा समावेश होता. महिला संयोजन समितीच्या संचालिका हर्षदा दुबे, वैशाली ढोरे, भक्ती जाधव, श्रेया भंडारी, सुवर्णा गाडे, कांचन ढमाले,साक्षी जोगळेकर,स्वाती मोहिरे,सुषमा जैन याही या कार्यक्रमाला उपस्थित होत्या.
भारतमातेच्या प्रतिमेची मिरवणूक काढण्यात येणार
मावळ विचारमंच आयोजित रौप्य महोत्सवी सरस्वती व्याख्यानमाला ( Saraswati Lecture Series) घटस्थापना २२ सपटेंबर ते बुधवार, १ ऑक्टोबर २०२५ दरम्यान होणार आहे. यानंतर गुरुवार (दि २) ऑक्टोबरला विजयादशमीनिमित्त श्री भारतमाता प्रतिमेची भव्य मिरवणूक काढण्यात येणार असल्याची माहिती संस्थापक अध्यक्ष भास्करराव म्हाळसकर यांनी दिली.
सरस्वती व्याख्यानमालेची रौप्यमहोत्सवी वाटचाल
मावळ विचारमंच आयोजित सरस्वती व्याख्यानमालेने रौप्यमहोत्सवी वाटचाल पूर्ण केली आहे. मागील २५ वर्षांत या व्याख्यानमालेत राज्यभरातील ( Saraswati Lecture Series) नामवंत वक्त्यांची व्याख्याने झाली. मावळ मध्ये वैचारिक अनुष्ठान तयार करण्यात या व्याख्यानमालेचा मोठा वाटा आहे. राज्यभर प्रसिद्ध असलेल्या वसंत व्याख्यानमालेप्रमाणे सरस्वती व्याख्यानमाला वाटचाल करत आहे.
– गुलाबराव म्हाळसकर, अध्यक्ष,सरस्वती व्याख्यानमाला.
