मावळ ऑनलाईन – आजचे पंचांग. महिना – आषाढ – शुक्लपक्ष. तिथी – १३, शके १९४७. वार – मंगळवार. तारीख – ०८.०७.२०२५ (Rashi Bhavishya 8 July 2025).
शुभाशुभ विचार – ज्येष्ठा वर्ज्य.
आज विशेष – भौम प्रदोष.
राहू काळ – दुपारी ३.०० ते ०४.३०.
दिशा शूल – उत्तरेस असेल.
आज नक्षत्र – ज्येष्ठा. चंद्र राशी – वृश्चिक.
मेष- (शुभ रंग- आकाशी) Rashi Bhavishya 8 July 2025
आज नोकरदारांनी आपण व आपले काम या व्यतिरिक्त कोणत्याही भानगडीत डोकावू नये. आज कायद्याच्या चौकटीतच राहणे हिताचे राहणार आहे.
वृषभ (शुभ रंग- जांभळा)
आज भावनेच्या भरात कुणालाही वचने देऊ नका. फक्त आपलं कसं चाललंय तेवढेच पहा. आज तुमच्या जोडीदाराच्या चुका काढायची चूक अजिबात करू नका.
मिथुन (शुभ रंग – पांढरा)
आज अहंकार प्रगतीच्या आड येऊ शकतो. मोडण्यापेक्षा थोडसं झुकलात तर अनेक कामे सोपी होतील. विरोधकांना चहा पाजून आपला स्वार्थ साधून घ्या.
कर्क ( शुभ रंग- जांभळा)
कलेच्या क्षेत्रामध्ये नवोदिताना ग्लॅमरची चव चाखता येईल. उच्चशिक्षित मंडळींना उत्तम पॅकेजच्या संधी चालून येतील. रुग्ण आज ठणठणीत बरे होतील.
Lonavala: छांगुर बाबाचे पुणे कनेक्शन, लोणावळा येथे १६ कोटींची मालमत्ता
सिंह ( शुभ रंग- डाळिंबी) Rashi Bhavishya 8 July 2025
आज घरी काही प्रिय पाहुण्यांचे आगमन संभवते. इतरांना सल्ले देण्याचा हव्यास टाळा. आज स्तुती करून विरोधकांनाही आपलेसे करू शकाल.
कन्या (शुभ रंग- मोरपंखी)
आज तुम्ही इतरांच्या कामी याल. घरगुती समस्यांकडे तुमचे दुर्लक्ष होईल. कुटुंबीयांची नाराजी पत्करावी लागेल. सामाजिक कार्यकर्त्यांची लोकप्रियता वाढेल.
तूळ (शुभ रंग- क्रीम)
आज एखाद्या महत्त्वाच्या चर्चेत तुम्ही आपला मुद्दा ठामपणे मांडाल. विरोधकांशी गोड बोलूनच आपला स्वार्थ साधून घ्यावा लागेल. व्यर्थ वाद टाळावेत.
वृश्चिक ( शुभ रंग- हिरवा)
आज झालेल्या ओळखी भविष्यात फायदेशीर ठरतील. उपवारांना सुयोग्य स्थळांचे प्रस्ताव येतील. आज तुमचे शारीरिक मानसिक स्वास्थ्य उत्तम राहील.
धनु (शुभ रंग- निळा) Rashi Bhavishya 8 July 2025
आज तुम्ही स्वतःचे लाड पुरवण्यासाठी वेळ व पैसा खर्च कराल. बचत तर आज शक्य नाही. गृहिणी यथाशक्ती दानधर्म करतील. प्रवासात तब्येतीस जपा.
मकर (शुभ रंग- राखाडी)
कामानिमित्त मोठ्या लोकांशी संबंध येतील. आज यशस्वी लोकांच्या सहवासात तुमच्याही अपेक्षा वाढतील. अडचणीच्या प्रसंगी मोठा भाऊ मदतीला धावून येईल.
कुंभ ( शुभ रंग- गुलाबी)
नोकरीच्या ठिकाणी आज वरिष्ठ तुमच्या कामावर खूश असतील. तुम्हाला अतिरिक्त जबाबदारी देतील. आज कुटुंबीयांची नाराजी पत्करावी लागेल.
मीन ( शुभ रंग – पिस्ता)
कार्यक्षेत्रात ध्येयप्राप्तीसाठी अविश्रांत मेहनत गरजेची आहे. आज नास्तिकही देवाला एखादा नवस बोलतील. उच्चशिक्षितांना विदेश गमनाची स्वप्न पडतील.
शुभम भवतु!
-जयंत कुलकर्णी
ज्योतिष व वास्तुशास्त्र सल्लागार
9689165424
