मावळ ऑनलाईन – आजचे पंचांग. महिना – भाद्रपद – शुक्लपक्ष. तिथी – १२. शके १९४७. वार – गुरुवार. तारीख – ०४.०९.२०२५. (Rashi Bhavishya 4 Sept 2025)
शुभाशुभ विचार – शुभ दिवस.
आज विशेष – वामन जयंती.
राहू काळ – दुपारी १.३० ते ३.००.
दिशा शूल – दक्षिणेस असेल.
आज नक्षत्र – उत्तराशाढा २३.४४ पर्यंत नंतर श्रवण. चंद्र राशी – मकर.
मेष- (शुभ रंग- निळा) Rashi Bhavishya 4 Sept 2025
ध्येय साध्य करण्यासाठी अथक प्रयत्नांशिवाय कोणताही शॉर्टकट नाही. फक्त आपल्या कर्तव्याला प्राधान्य द्यायला हवे. अधिकाराचा गैरवापर नको.
वृषभ (शुभ रंग- पिस्ता)
आज तुम्हाला आध्यात्मिक विषयात गोडी वाटेल. उच्चशिक्षित मंडळींना विदेशगमनाचे वेध लागतील. आज आजी-आजोबा नातवंडांचे हट्ट पुरवतील.
मिथुन (शुभ रंग – गुलाबी)
राशीच्या अष्टमातून चंद्रभ्रमण होत असताना कोणतेही धाडस टाळणे हिताचे. जे काही चालले ते बरं चाललय असं समजा. जोडीदाराच्या मताने घ्या.
कर्क ( शुभ रंग- स्ट्रॉबेरी)
गोडबोल्या मंडळींनी दिलेल्या आश्वासनांना बळी पडू नका. जनांचे ऐकून मनाचेच करा. वैवाहिक जीवनात आज जोडीदाराकडे मन मोकळे करावेसे वाटेल.
Maza Bappa Gharoghari : लाडक्या गणरायाचे घरी कल्पकतेने सुंदर, वैविध्यपूर्ण आरास केलेले फोटो
सिंह ( शुभ रंग- जांभळा) Rashi Bhavishya 4 Sept 2025
आज दिवस कष्टांचा आहे. तुमचे मनोबलही कमीच असेल. महत्त्वाचे निर्णय घ्यायला उशीर करू नका. आज सहज काही मिळेल या भ्रमात राहू नका.
कन्या (शुभ रंग- मरून)
कला क्रीडा क्षेत्रामध्ये असाल तर उत्तम संधी चालून येतील. कार्यक्षेत्रातील काही सुखद घटना तुमचा आत्मविश्वास वाढवतील. गृहिणी पार्लर साठी वेळ काढतील.
तूळ (शुभ रंग- पांढरा)
आज काही घरगुती समस्यांवर लक्ष देणे तुम्हाला आवश्यक वाटेल. गृहिणींनी वेळात वेळ काढून आज मुलांच्या अभ्यासात डोकावणे हिताचे राहील.
वृश्चिक ( शुभ रंग- मोरपंखी)
सामाजिक कार्यकर्त्यांचा समाजातील मान वाढेल. आज तुम्ही आपले अधिकार वापरून इतरांची कामे कराल. घरगुती समस्यांकडे मात्र तुमचे दुर्लक्ष होणार आहे.
Pune: पुणे महापालिकेच्या प्रारूप प्रभागरचनेवरून 1हजार 382 हरकती व सूचना दाखल
धनु (शुभ रंग- डाळिंबी) Rashi Bhavishya 4 Sept 2025
आज कार्यक्षेत्रात तुमचे वक्तृत्व कामी येईल. नोकरीत वरिष्ठ तुमच्या अडचणी समजून घेतील. आज शेजारी जरा तिरकस नजरेने बघतील. तुम्ही दुर्लक्ष करा.
मकर (शुभ रंग- हिरवा)
प्रत्येक गोष्टीकडे तुम्ही सकारात्मकतेने पहाल. नोकरीच्या ठिकाणी आज अधिकाऱ्यांची शाब्बासकी मिळवाल. सहकारी तुमच्या प्रभावात असतील.
कुंभ ( शुभ रंग- क्रीम)
कौटुंबिक गरजा वाढणार आहेत. काही खर्च भिडस्तपणा पायी करावेच लागणार आहेत. गृहिणींना रितीरिवाज सांभाळावे लागतील. मौल्यवान वस्तू जपा.
मीन ( शुभ रंग – राखाडी)
आज घर खरेदी किंवा वाहन खरेदीच्या कामासाठी कर्ज मंजुरी होऊ शकेल. आज राशीच्या लाभातील चंद्र भ्रमण काही अनपेक्षित लाभ देईल.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार
9689165424
