मावळ ऑनलाईन – आजचे पंचांग. महिना – श्रावण – शुक्लपक्ष. तिथी – ११. शके १९४७. वार – सोमवार. तारीख – ०४.०८.२०२५. (Rashi Bhavishya 4 August 2025).
शुभाशुभ विचार – ९ पर्यंत चांगला.
आज विशेष – शिवमुष्टी- तिळ.
राहू काळ – सकाळी ७.३० ते ९.००
दिशा शूल – पूर्वेस असेल.
आज नक्षत्र – अनुराधा ९.१३ पर्यंत नंतर ज्येष्ठा. चंद्र राशी – वृश्चिक.
मेष- (शुभ रंग- राखाडी) Rashi Bhavishya 4 August 2025
उद्योगधंद्याच्या दृष्टीने आज प्रतिकूल दिवस आहे. नोकरीच्या ठिकाणी साहेबांचे मूड सांभाळावे लागतील. व्यावसायिकांनी मोठ्या आर्थिक उलाढाली टाळाव्यात.
वृषभ (शुभ रंग- डाळिंबी)
आज फक्त आपल्या स्वार्थाचा विचार करा. भावनेच्या भरात कोणालाही कसला शब्द देऊन त्यात अडकू नका. आज जोडीदाराच्या मताचा आदर करावा.
मिथुन (शुभ रंग – पांढरा)
आज अतिआक्रमकता नुकसानास कारणीभूत होईल. महत्त्वाच्या प्रश्नात जाणकारांचे मत अवश्य घ्यावे. आज हौस मौज करताना कायद्याचे भान ठेवा.
कर्क ( शुभ रंग- मोतिया)
तरुणांच्यात चैनी व विलासी वृत्ती बळावेल. मॉलमधील ब्रँडेड वस्तू गृहिणींना आकर्षित करतील. कलावंत आज मिळालेल्या संधीचे सोने करतील.
Talegaon Dabhade: डॉ.दर्पण महेशगौरी रोटरी सिटीच्या देवदूत पुरस्काराने सन्मानित !
सिंह ( शुभ रंग- आकाशी) Rashi Bhavishya 4 August 2025
मुले आज मन लावून अभ्यास करतील. घरात सज्जनांची उठबस राहील. गृहिणींना लघु उद्योगातून चांगली कमाई होईल. आज आईचे मन जपायला हवे.
कन्या (शुभ रंग- पिस्ता)
आज चंद्र राशीच्या पराक्रम स्थानातून भ्रमण करत असताना चर्चेपेक्षा कृतीला महत्त्व देणे हिताचे असते. आज लहान भावाला तुम्ही मदत कराल. घराबाहेर वादविवाद टाळा.
तूळ (शुभ रंग- लाल)
विविध मार्गाने पैसा येईल. आज आपले आवडते छंद जपण्यासाठी तुम्ही वेळ व पैसाही खर्च कराल. विवाह विषयक बोलणी आज सकारात्मकतेने पार पडतील.
वृश्चिक ( शुभ रंग- जांभळा)
पूर्वी केलेली गुंतवणूक तुम्हाला चांगला लाभ देईल. आज एखादी हरवलेली वस्तू सापडेल. मुले आज्ञेत असतील. आज वैवाहिक जीवनात सुसंवाद राहील.
धनु (शुभ रंग- भगवा) Rashi Bhavishya 4 August 2025
खर्च कितीही वाढला तरीही पैसा कमी पडणार नाही. तुमची मोठ्या लोकांमधील उठबस फायदेशीर राहील. कलाकारांचा परदेशात नावलौकिक होईल.
मकर (शुभ रंग- क्रीम)
कार्यक्षेत्रात नवे हितसंबंध निर्माण होतील. उपवारांना स्थळे सांगून येतील. चैनी व विलासी वृत्ती बळावेल. आवडते छंद जपण्यासाठी वेळ काढाल.
कुंभ ( शुभ रंग- चंदेरी)
नोकरीच्या ठिकाणी काही वाढीव जबाबदाऱ्या स्वीकाराव्या लागतील. आज फक्त आपल्या कर्तव्याला प्राधान्य द्याल. रिकामटेकड्या मित्रांना लांब ठेवा.
मीन ( शुभ रंग – सोनेरी)
नोकरदारांवर वरिष्ठांचे दडपण राहील. आज शासकीय नियम काटेकोरपणे पाळावे लागतील. ध्येयपूर्तीसाठी कामाचे तास वाढवावे लागतील. आज दानधर्म कराल.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार
9689165424
