मावळ ऑनलाईन – आजचे पंचांग- शालिवाहन शके १९४७ विश्वावसुनाम संवत्सर. महिना: अश्विन. शुक्लपक्ष. तिथी – ५. तारीख – २६.०९.२०२५. वार – शुक्रवार (Rashi Bhavishya 26 Sept 2025)
शुभाशुभ विचार – विशाखा वर्ज्य.
आज विशेष- ललिता पंचमी.
राहू काळ – दुपारी १०.३० ते १२.००.
दिशा शूल – पश्चिमेस असेल.
आज नक्षत्र- विशाखा २२.०९ पर्यंत नंतर अनुराधा. चंद्र राशी – तूळ १५.२४ पर्यंत नंतर वृश्चिक.
मेष – ( शुभ रंग – स्ट्रॉबेरी) Rashi Bhavishya 26 Sept 2025
अतिआक्रमकता टाळावी. अडचणीच्या प्रसंगी तुम्हाला आज जोडीदारच योग्य सल्ले देऊ शकेल. अतिउत्साहात घेतलेले निर्णय चुकणार आहेत. संयम बाळगा.
वृषभ ( शुभ रंग- राखाडी)
आज खर्चाचे प्रमाण मर्यादेबाहेर जाईल. महत्त्वाचे निर्णय घेताना तुमची द्विधा मनस्थिती होईल. प्रवासात आरोग्य बिघडेल. खाण्यापिण्यावर नियंत्रण ठेवा.
मिथुन – ( शुभ रंग- पांढरा)
स्टेशनरी, सौंदर्यप्रसाधने, खेळणी इत्यादी व्यवसाय चांगले चालतील. आजारी व्यक्तींच्या प्रकृती मध्ये सुधारणा दिसून येईल. खेळाडूंना आज स्पर्धेत यशाची खात्री.
कर्क – ( शुभ रंग – आकाशी)
वास्तु व वाहन खरेदीच्या कामातील अडथळे दूर होतील. घरात सज्जनांची येजा राहील. उच्च शिक्षण घेणाऱ्यांना परिश्रम वाढवावे लागणार आहेत.
Talegaon News : तळेगाव दाभाडे शहरात शुक्रवारी पाणीपुरवठा बंद
सिंह -( शुभ रंग – हिरवा) Rashi Bhavishya 26 Sept 2025
महत्त्वाच्या कामासाठी तुमची भटकंती होणार आहे. प्रवासात झालेल्या नव्या ओळखींचे मैत्रीत रूपांतर होईल. आत्मविश्वास वाढेल. आशादायी दिवस.
कन्या – ( शुभ रंग- गुलाबी)
आर्थिक परिस्थिती उत्तम असल्याने तुमचा मूड छान असेल. प्रभावी वक्तृत्वाने आज तुम्ही विरोधकांनाही आपलेसे कराल. शब्दांचा वापर जपून करावा.
तूळ ( शुभ रंग- लाल)
आज कुठेही आपलेच खरे करण्याचा तुमचा हट्ट असेल. इतरांचेही म्हणणे समजून घेणे हिताचे राहील. न पेलणाऱ्या जबाबदाऱ्या अंगावर घेऊ नका.
वृश्चिक ( शुभ रंग – निळा)
आज जमाखर्चाचा तराजू डळमळीत होणार आहे. काही जणांना तातडीचे प्रवास घडतील. घरात वडीलधाऱ्या मंडळींशी काही सौम्य मतभेद होऊ शकतात.
Diveghat : दिवेघाटात वाहतूक बंद; 26 सप्टेंबरला सकाळी 11 ते दुपारी 2 पर्यंत मार्ग बंद राहणार
धनु (शुभ रंग- चंदेरी) Rashi Bhavishya 26 Sept 2025
राशीच्या लाभातील चंद्र तुमच्या काही अपुऱ्या स्वप्नांची पूर्तता करेल. पैशाअभावी रखडलेली काही कामे हाती घेता येतील. मुलांकडून काही महत्त्वाचे समाचार येतील.
मकर (शुभ रंग- सोनेरी)
कार्यक्षेत्रात ध्येयप्राप्तीसाठी मेहनत वाढवावी लागणार आहे. आज केवळ चर्चेत वेळ न दवडता कृतीला प्राधान्य देऊनच यशाकडे वाटचाल करता येईल.
कुंभ – (शुभ रंग- केशरी)
आज तुम्हाला अध्यात्मिक मार्गाची गोडी वाटेल. काही नास्तिक मंडळी ही आज देवाला नवस बोलतील. संध्याकाळी एखाद्या सत्संगाकडे पावले वळतील.
मीन ( शुभ रंग- जांभळा)
जे जमत नाही त्यात उगीच डोकं घालू नका. धाडसाची कामे टाळावी. आज नाकासमोर चालणे हिताचे राहील. आज जोडीदाराच्या चुका काढण्याची चूक करू नका.
शुभम भवतु!
– जयंत कुळकर्णी
ज्योतिष व वास्तु शास्त्र सल्लागार
फोन 9689165424
