मावळ ऑनलाईन – आजचे पंचांग- शालिवाहन शके १९४७ विश्वावसुनाम संवत्सर. महिना: अश्विन. शुक्लपक्ष. तिथी – २. तारीख – २३.०९.२०२५. वार – मंगळवार (Rashi Bhavishya 23 Sept 2025)
शुभाशुभ विचार – उत्तम दिवस.
आज विशेष- साधारण दिवस.
राहू काळ – दुपारी ३.०० ते ४.३०.
दिशा शूल – उत्तरेस असेल.
आज नक्षत्र- हस्त १३.४० पर्यंत नंतर चित्रा. चंद्र राशी – कन्या.
मेष – ( शुभ रंग – मोरपंखी) Rashi Bhavishya 23 Sept 2025
आजारी व्यक्तींनी पथ्यपाणी पाळावे अन्यथा एखादा बरा झालेला आजार परत उलटण्याची शक्यता आहे. रखडलेली येणी मागितली तर वसूल होऊ शकतील.
वृषभ ( शुभ रंग- सोनेरी)
आज उच्च राहणी व उच्च विचारसरणी असेच तुमचे धोरण असेल. शालेय उपयोगी वस्तूंचे व्यवसाय चांगले चालतील. मुले अभ्यासात एकाग्रता साधू शकतील.
मिथुन – ( शुभ रंग- चंदेरी)
कलाकारांना कामासाठी भटकंती करावी लागेल. खेळाडूंना सराव वाढवावा लागणार आहे. गृहिणींना घरातील मोठ्यांचे मानपान सांभाळावे लागतील.
कर्क – ( शुभ रंग – गुलाबी)
आज तुमचा जास्तीत जास्त वेळ घराबाहेरच जाईल. काहीना किरकोळ घर दुरुस्तीची कामे हाती घ्यावी लागतील. तुमची काही गुपिते उघड होऊ शकतात. कमीच बोला.
सिंह -( शुभ रंग – जांभळा) Rashi Bhavishya 23 Sept 2025
आज तुम्ही आनंदी व सकारात्मक असाल. रुटीन कामातून थोडासा मौजमजेसाठी वेळ काढाल. कुटुंबीयांना पुरेसा वेळ देऊन मुलांचीही हौस भागवाल.
कन्या – ( शुभ रंग- डाळिंबी)
मनाच्या लहरीपणाला आवर घालणे गरजेचे आहे. नोकरीच्या ठिकाणी सहकाऱ्यांशी मिळून मिसळून वागा. आपलेच खरे करण्याचा हट्ट धरू नका.
तूळ ( शुभ रंग- मोतिया)
अनावश्यक खर्चावर ताबा असावा. वृद्धांनी तळपायांची काळजी घ्यावी. आज काही दूरचे नातलग संपर्कात येतील. देणे-घेणे लिखित स्वरूपात ठेवा.
वृश्चिक ( शुभ रंग – लाल)
आज चालून आलेल्या उत्तम संधीचा फायदा घ्या. कामाचे तास वाढवा. आज काही योग्य माणसे तुमच्या संपर्कात येतील. नकारात्मक लोकांशी संगत टाळा.
Pune: पुणे रेल्वे स्थानकावर ‘ऑपरेशन सतर्क’ मोहिमेत तब्बल 51 लाखांचा बेकायदेशीर रोकडजमा जप्त
धनु (शुभ रंग- स्ट्रॉबेरी) Rashi Bhavishya 23 Sept 2025
नोकरदारांना कामातील चुका निस्तराव्या लागतील. नोकरीच्या ठिकाणी वरिष्ठांचे दडपण जाणवेल. आज विश्वासू मित्र ही विश्वासघात करतील. कुसंगती टाळा.
मकर (शुभ रंग- भगवा)
आज व्यवसायाच्या दृष्टीने प्रतिकूल दिवस आहे. मोठी आर्थिक गुंतवणूक नको. आपल्या मर्यादेत रहा. गैर व्यवहार तर नकोच. आज प्रयत्नांती परमेश्वर.
कुंभ – (शुभ रंग- हिरवा)
केवळ मोठेपणासाठी न झेपणाऱ्या जबाबदाऱ्या अंगावर घेऊच नका. आज ताकही फुंकून प्यावे असा दिवस. आपल्या प्रतिष्ठेची काळजी घ्यावी.
मीन ( शुभ रंग- पांढरा)
व्यावसायिक आव्हाने पेलू शकाल. भागीदारीत काही गैरसमज असतील तर ते सुसंवादाने मिटतील. वैवाहिक जीवनात संध्याकाळी गोडी गुलाबी राहील.
शुभम भवतु!
-जयंत कुळकर्णी
ज्योतिष व वास्तु शास्त्र सल्लागार
फोन 9689165424
