मावळ ऑनलाईन – आजचे पंचांग. महिना – आषाढ – कृष्णपक्ष. तिथी – १. शके १९४७. वार – शुक्रवार. तारीख – २५.०७.२०२५. (Rashi Bhavishya 25 July 2025)
शुभाशुभ विचार – चांगला दिवस.
आज विशेष – साधारण दिवस.
राहू काळ – सकाळी १०.३० ते १२.००.
दिशा शूल – पश्चिमेस असेल.
आज नक्षत्र – पुष्य १६.०१ पर्यंत नंतर आश्लेषा. चंद्र राशी – कर्क.
मेष- (शुभ रंग- मरून)
कलाकारांना कामासाठी भटकंती करावी लागेल. खेळाडूंना सराव वाढवावा लागणार आहे. गृहिणींना घरातील मोठ्यांचे मानपान जपावे लागतील.
वृषभ (शुभ रंग- क्रीम)
आज तुमचा जास्तीत जास्त वेळ घराबाहेरच जाईल. काहींना किरकोळ घर दुरुस्तीची कामे हाती घ्यावी लागतील. तुमची काही गुपिते उघड होतील. आज कमीच बोला.
मिथुन (शुभ रंग – जांभळा)
आज तुम्ही आनंदी व सकारात्मक असाल. रुटीन कामातून थोडा मौजमजेसाठी वेळ काढाल. कुटुंबीयांना पुरेसा वेळ देऊन मुलांचीही हौस पुरवाल.
कर्क ( शुभ रंग- सोनेरी)
मनाच्या लहरीपणाला आवर घालणे गरजेचे आहे. नोकरीच्या ठिकाणी सहकाऱ्यांशी मिळून मिसळून वागावे. आपलेच खरे करण्याचा अट्टाहास टाळायला हवा.
Dhanore Murder : डोक्यात सिमेंटचा ब्लॉक मारून खून, आळंदी पोलिसांनी घेतले दोन आरोपींना ताब्यात
सिंह ( शुभ रंग- पिस्ता) Rashi Bhavishya 25 July 2025
अनावश्यक खर्चावर ताबा असावा. वृद्धांनी तळपायांची काळजी घ्यावी. आज काही दूरचे नातलग संपर्कात येणार आहेत. देणे-घेणे लिखित स्वरूपात असू द्यात.
कन्या (शुभ रंग- पांढरा)
आज चालून आलेल्या उत्तम संधीचा फायदा घ्या. कामाचे तास वाढवा. आज काही योग्य माणसे तुमच्या संपर्कात येतील. नकारात्मक लोकांशी संगत टाळा.
तूळ (शुभ रंग- आकाशी)
नोकरदारांना कामातील चुका निस्तराव्या लागतील. नोकरीच्या ठिकाणी अधिकाऱ्यांचे दडपण जाणवेल. आज विश्वासू मित्रही विश्वासघात करू शकतील. कुसंगत टाळावी.
वृश्चिक ( शुभ रंग- चंदेरी)
आज व्यवसायाच्या दृष्टीने प्रतिकूल दिवस. मोठी आर्थिक गुंतवणूक नको. आपल्या मर्यादेत रहा. गैरव्यवहार तर नकोच. आज प्रयत्नांती परमेश्वर.
DJ ban : डीजे बंदीचा निर्णय सर्वच प्रकारच्या मिरवणुकांना लागू
धनु (शुभ रंग- निळा) Rashi Bhavishya 25 July 2025
केवळ मोठेपणासाठी न झेपणाऱ्या जबाबदाऱ्या अंगावर घेऊच नका. आज ताकही फुंकून प्यावे, असा दिवस आहे. आपल्या प्रतिष्ठेची काळजी घ्यायला हवी.
मकर (शुभ रंग- स्ट्रॉबेरी)
व्यावसायिक आव्हाने पेलू शकाल. भागीदारीत काही गैरसमज असतील तर ते सुसंवादाने मिटतील. वैवाहिक जीवनात संध्याकाळी गोडी गुलाबी राहील.
कुंभ ( शुभ रंग- गुलाबी)
आजारी व्यक्तींनी पथ्यपाणी पाळावे. एखादा बरा झालेला आजार परत उलटण्याची शक्यता आहे. रखडलेली येणी मागितली तर वसूल होऊ शकतील.
मीन ( शुभ रंग – राखाडी)
आज उच्च राहणी व उच्च विचारसरणी असे तुमचे धोरण असेल. शालेय उपयोगी वस्तूंचे व्यवसाय तेजीत चालतील. मुले अभ्यासात एकाग्रता साधू शकतील.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार
9689165424
