मावळ ऑनलाईन – आजचे पंचांग. महिना – भाद्रपद – शुक्लपक्ष. तिथी – १०. शके १९४७. वार – मंगळवार. तारीख – ०२.०९.२०२५. (Rashi Bhavishya 2 Sept 2025)
शुभाशुभ विचार – चांगला दिवस.
आज विशेष – गौरी विसर्जन.
राहू काळ – दुपारी ३.०० ते ४.३०.
दिशा शूल – उत्तरेस असेल.
आज नक्षत्र – मूळ २१.५१ पर्यंत नंतर पूर्वाषाढा. चंद्र राशी – धनु.
मेष- (शुभ रंग- सोनेरी) Rashi Bhavishya 2 Sept 2025
तुमच्या कौटुंबिक सुखात वृद्धीच होईल. मुलांची अभ्यासातील कामगिरी समाधानकारक असेल. आज कुटुंबीयांच्या वाढत्या गरजा तुम्ही हौसेने पुरवाल.
वृषभ (शुभ रंग- मोरपंखी)
आज तुम्हाला काही कामानिमित्त जास्त वेळ घराबाहेर राहावे लागेल. काही अप्रिय माणसांचा सहवास सहन करावा लागेल. आज कमीच बोलणे हिताचे राहील.
मिथुन (शुभ रंग – स्ट्रॉबेरी)
राशीच्या सप्तमातून भ्रमण करणारा चंद्र आर्थिक बाजू भक्कम ठेवेल. आज फक्त शब्द हे शस्त्र आहे, याचे भान ठेवा. अन्यथा काही नाती दुरावतील.
कर्क ( शुभ रंग- पिस्ता)
कार्यक्षेत्रात अनुकूल वातावरण असेल. नोकरदारांना वरिष्ठांचे पूर्ण सहकार्य मिळेल. आज अधिकाराचा गैरवापर मात्र टाळा. कायद्यात राहणे हिताचे राहील.
सिंह ( शुभ रंग- क्रीम) Rashi Bhavishya 2 Sept 2025
आज जवळ असलेला पैसा जपून वापरा. कदाचित संध्याकाळी एखाद्या मोठ्या खर्चाची तयारी ठेवावी लागेल आज काही दूरची नाती संपर्कात येतील.
कन्या (शुभ रंग- राखाडी)
आज काही अनुकूल घटना तुमचा कार्य उत्साह वाढवतील. तुमच्या मानसन्मानात वृद्धी होईल. प्रतिष्ठितांच्या सहवासात तुमच्या महत्त्वकांक्षा वाढतील.
तूळ (शुभ रंग- गुलाबी)
कोणतेही नवे उपक्रम हाती घेण्यासाठी आज योग्य दिवस आहे. तरुणांच्या महत्त्वकांक्षा वाढणार आहेत. आज व्यवसाय वृद्धीसाठी विविध संधी चालून येतील.
वृश्चिक ( शुभ रंग- जांभळा)
नवीन व्यावसायिकांनी मर्यादे बाहेर आर्थिक धाडस करू नये. व्यवसायात जाहिरात वाढवावी लागेल. भिडस्त पणाला रामराम ठोकावा लागेल.
धनु (शुभ रंग- आकाशी) Rashi Bhavishya 2 Sept 2025
कोणतेही धाडस टाळाच. मोठ्या रकमेची ने आण करताना सावध राहायला हवे. विवाह जुळवण्या विषयी चर्चा आज होकारार्थी पार पडणार आहेत.
मकर (शुभ रंग- स्ट्रॉबेरी)
आज महत्त्वाच्या चर्चा व वाटाघाटी यशस्वी होतील. तुमच्या वक्तृत्वाचा समोरील व्यक्तीवर सकारात्मक प्रभाव राहील. जोडीदाराला दिलेला शब्द पाळाल.
कुंभ ( शुभ रंग- केशरी)
कार्यक्षेत्रात प्रामाणिक मेहनतीचे फळ मिळेल. नोकरीच्या ठिकाणी वरिष्ठांना तुमची मते पटू लागतील. आज संध्याकाळी तुम्हाला थोडा थकवा जाणवेल.
मीन ( शुभ रंग – चंदेरी)
नेहमीच्या त्याच त्याच कामाचा कंटाळा येईल. आज काही रसिक मंडळी करमणुकीच्या कार्यक्रमाचा आस्वाद घेतील. फॅशनेबल वस्त्र खरेदी कराल.
शुभम भवतु!
-जयंत कुलकर्णी
ज्योतिष व वास्तुशास्त्र सल्लागार
9689165424
