मावळ ऑनलाईन – आजचे पंचांग- शालिवाहन शके १९४७ विश्वावसुनाम संवत्सर
महिना: भाद्रपद कृष्णपक्ष.
तिथी – १२
तारीख – १८.०९.२०२५.
वार – गुरुवार.
शुभाशुभ विचार – उत्तम दिवस.
आज विशेष- द्वादशी श्राद्ध.
राहू काळ – दुपारी १.३० ते ३.००.
दिशा शूल – दक्षिणेस असेल.
आज नक्षत्र- पुष्य ६.३३ पर्यंत नंतर आश्लेषा.चंद्र राशी – कर्क.
मेष – ( शुभ रंग – पिस्ता)
आज काही घरगुती समस्यांवर लक्ष देणे तुमच्यासाठी आवश्यक राहील. गृहिणींनी वेळात वेळ काढून आज मुलांच्या अभ्यासात लक्ष घालणे हिताचे आहे.
वृषभ ( शुभ रंग- तांबडा)
सामाजिक कार्यकर्त्यांचा समाजातील मान वाढेल. आज तुम्ही आपले अधिकार वापरून इतरांची कामे कराल. घरगुती समस्यांकडे तुमचे दुर्लक्ष होईल.
मिथुन – ( शुभ रंग- पिस्ता)
आज कार्यक्षेत्रात तुमचे वक्तृत्व कामी येईल. नोकरीत वरिष्ठ तुमच्या अडचणी समजून घेतील. आज शेजारी जरा तिरकस नजरेने बघतील तुम्ही दुर्लक्ष करा.
कर्क – ( शुभ रंग – हिरवा)
प्रत्येक गोष्टीकडे आज तुम्ही सकारात्मकतेने पहाल. सहकारी तुमच्या प्रभावात असतील. नोकरीच्या ठिकाणी आज अधिकाऱ्यांची शाबासकी मिळवाल.
सिंह -( शुभ रंग – पांढरा)
कौटुंबिक गरजा वाढणार आहेत. काही खर्च भिडस्तपणा पायी करावे लागणार आहेत. गृहिणींना रीतीरिवाज सांभाळावे लागतील. मौल्यवान वस्तूंची काळजी घ्या.
कन्या – ( शुभ रंग- जांभळा)
आज घर खरेदी किंवा वाहन खरेदीच्या कामासाठी कर्ज मंजुरी होऊ शकते. आज दुपारनंतर लाभातील चंद्रभ्रमण काही अनपेक्षित लाभ देईल.
तूळ ( शुभ रंग- सोनेरी)
ध्येय साध्य करण्यासाठी अथक प्रयत्नांशिवाय कोणताही शॉर्टकट नाही. आज तुम्ही आपल्या कर्तव्याला प्राधान्य द्याल. अधिकारांचा गैरवापर नको.
वृश्चिक ( शुभ रंग – हिरवा)
कार्यक्षेत्रात काही मनाविरुद्ध घटना घडतील. उच्चशिक्षित मंडळींना विदेश गमनाचे वेध लागतील. आजी-आजोबा नातवंडांचे हट्ट पुरवतील.
धनु (शुभ रंग- पांढरा)
राशीच्या अष्टमातून चंद्र भ्रमण होत असताना कोणतेही धाडस टाळणे हिताचे. जे काही चालले ते बर चाललय समजा. जोडीदाराच्या मताने घ्या.
मकर (शुभ रंग- आकाशी)
गोडबोल्या मंडळींकडून आलेल्या प्रलोभनांना बळी पडू नका. जनांचे ऐकून मनाचेच करा. वैवाहिक जीवनात जोडीदाराकडे मनमोकळे करावेसे वाटेल.
कुंभ – (शुभ रंग- गुलाबी)
आज दिवस कष्टांचा सहज काही मिळेल या भ्रमात राहू नका. आज तुमचे मनोबलही कमी राहील. महत्त्वाचे निर्णय घ्यायला उशीर करू नका.
मीन ( शुभ रंग- स्ट्रॉबेरी)
कला क्रीडा क्षेत्रामध्ये असाल तर उत्तम संधी चालून येणार आहेत. कार्यक्षेत्रातील सुखद घटना तुमचा आत्मविश्वास वाढवतील. गृहिणी पार्लर साठी वेळ काढतील.
शुभम भवतु
श्री जयंत कुळकर्णी.
ज्योतिष व वास्तु शास्त्र सल्लागार.
फोन 9689165424
