मावळ ऑनलाईन – आजचे पंचांग. महिना – आषाढ – कृष्णपक्ष. तिथी – ७. शके १९४७. वार – गुरुवार. तारीख – १७.०७.२०२५ (Rashi Bhavishya 17 July 2025)
शुभाशुभ विचार – करीदीन.
आज विशेष – कालाष्टमी.
राहू काळ – दुपारी ०१.३० ते ३.००.
दिशा शूल – दक्षिणेस असेल.
आज नक्षत्र – रेवती. चंद्र राशी – मीन.
मेष- (शुभ रंग- स्ट्रॉबेरी) Rashi Bhavishya 17 July 2025
कुटुंबीयांच्या वाढत्या गरजा भागवताना जमा-खर्चाची गणिते बिघडणार आहेत. कायदा मोडण्याचे धाडस अजिबात करू नका. आज आपल्या मर्यादेत राहणे हिताचे राहील.
वृषभ (शुभ रंग- भगवा)
आज तुमच्या राशीच्या लाभात असलेला चंद्र काहीतरी अनपेक्षित लाभ देणार आहे. आज तुम्ही योग्य निर्णय घ्याल व वेळेचे योग्य नियोजन कराल.
मिथुन (शुभ रंग – लाल)
नोकरदारांना जास्त वेळ थांबून कामे पूर्ण करावी लागणार आहेत. वरिष्ठ आज जेवढे विचारतील तेवढेच बोला. आज कौटुंबिक कामांकडे तुमचे दुर्लक्ष होईल.
कर्क ( शुभ रंग- भगवा)
आज तुमचा आध्यात्मिक गोष्टींकडे कल असेल. एखाद्या गुरुसमान व्यक्तींचे मार्गदर्शन घ्याल. उच्चशिक्षित असणाऱ्यांना आज विदेश गमनाच्या संधी खुणावतील.
Chakan : खाजगी बसची एसटी बसला धडक; 11 जखमी
सिंह ( शुभ रंग- गुलाबी) Rashi Bhavishya 17 July 2025
मोठ्या आर्थिक उलाढाली टाळा. घेतलेल्या चुकीच्या निर्णयातून एखादे आर्थिक नुकसान होण्याची शक्यता आहे. गैरवर्तनाने प्रतिष्ठेला धोका संभवतो. काळजी घ्या.
कन्या (शुभ रंग- पांढरा)
कार्यक्षेत्रात गोड बोलून विरोधकांना आपले म्हणणे पटवता येईल. आज अतिआक्रमकता टाळायला हवी. घरात जोडीदाराशी ही सुसंवाद गरजेचा आहे.
तूळ (शुभ रंग- राखाडी)
मामा मावशी कडून काही महत्त्वाचे समाचार येतील. येणी वसूल होतील. नोकरदारांवर कामाचा ताण वाढणार आहे. तब्येतीकडे दुर्लक्ष करून चालणार नाही.
वृश्चिक ( शुभ रंग- डाळिंबी)
कुटुंबात आनंदाचे वातावरण असेल. आज काही जुन्या मित्रांसह गेट-टुगेदर कराल. बरेच दिवसापासून प्रतीक्षेत असलेली प्रिय व्यक्ती संपर्कात येईल.
Pune : पुणे आंतरराष्ट्रीय विमानतळाच्या धावपट्टीवर बिबट्याचा वावर?
धनु (शुभ रंग- सोनेरी) Rashi Bhavishya 17 July 2025
बांधकामाशी संबंधित असलेले व्यवसाय चांगले चालतील. आज तुम्हाला मातोश्रींकडून एखादा लाभ संभवतो. विद्यार्थी कौतुकास्पद कामगिरी करतील.
मकर (शुभ रंग- गुलाबी)
आज तुम्हाला काही महत्त्वाच्या बातम्या येतील. काही कामासाठी शेजाऱ्यांची मदत होईल. गायक कलाकारांना आज रसिकांकडून उदंड प्रतिसाद मिळेल.
कुंभ ( शुभ रंग- पिस्ता)
आज घरात काही प्रिय पाहुण्यांचे आगमन होईल. आज कुणालाही सल्ले देण्याचा मोह आवरा. अति स्पष्ट वक्तेपणामुळे काही जणांची मने दुखावतील.
मीन ( शुभ रंग – चंदेरी)
स्वराशीतून चंद्रभ्रमण होत असताना तुमचे मन काहीसे हळवे असेल. आज महत्त्वाचे निर्णय घेताना द्विधा मनस्थिती होईल. थोरा मोठ्यांचे सल्ले जरूर घ्या.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार
9689165424
