मावळ ऑनलाईन – आजचे पंचांग. महिना – भाद्रपद – कृष्णपक्ष. तिथी – ०६. शके १९४७. वार – शनिवार. तारीख – १३.०९.२०२५. (Rashi Bhavishya 13 Sept 2025)
शुभाशुभ विचार – क्षयतिथी.
आज विशेष – षष्ठी श्राद्ध.
राहू काळ – सकाळी ९.०० ते १०.३०.
दिशा शूल – पूर्वेस असेल.
आज नक्षत्र – कृत्तिका १०.११ पर्यंत नंतर रोहिणी. चंद्र राशी – वृषभ.
मेष- (शुभ रंग- केशरी) Rashi Bhavishya 13 Sept 2025
अत्यंत आत्मविश्वासाने घराबाहेर पडाल. आर्थिक बाजू भक्कम असल्याने तुमचे मनोबल उत्तम असेल. व्यवसायात काही पेच प्रसंगांना धैर्याने तोंड द्याल.
वृषभ (शुभ रंग- भगवा)
आज तुम्ही एखादा विवाह जुळविण्यात यशस्वी मध्यस्थी कराल. महत्त्वाच्या चर्चेत आपले मत ठामपणे मांडाल. आज घाईगर्दीत घेतलेले निर्णय चुकतील.
मिथुन (शुभ रंग – मोरपंखी)
राशीच्या व्यय स्थानातून चंद्रभ्रमण सुरू असताना जमाखर्चाची गणिते चुकतील. असलेला पैसा जपून वापरा. दूरच्या प्रवासात किमती वस्तूंची काळजी घ्या.
कर्क ( शुभ रंग- आकाशी)
आज तुमच्यासाठी स्वप्नपूर्तीचा दिवस आहे. कार्यक्षेत्रात तुम्ही केलेल्या कष्टांची फळे मिळतील. आप्तस्वकीयात तुमचा मान सन्मान वाढेल. यश आता जवळच आहे.
सिंह ( शुभ रंग- जांभळा) Rashi Bhavishya 13 Sept 2025
मोठ्या लोकांमध्ये असलेले तुमचे संबंध तुमच्या व्यवसाय वृद्धीच्या कामी येतील. आज तुम्ही फक्त आपल्या ध्येयास प्राधान्य देणे गरजेचे आहे. वाद विवाद टाळा.
कन्या (शुभ रंग- सोनेरी)
ज्येष्ठ मंडळींना देवधर्माची ओढ लागेल. गृहिणी यथाशक्ती दान धर्म करतील. उच्चशिक्षित मंडळींना विदेश गमनाचे वेध लागतील. दैव अनुकूल राहील.
तूळ (शुभ रंग- चंदेरी)
नोकरीच्या ठिकाणी आज वरिष्ठांचे समाधान होणे कठीण. गोडबोल्या मंडळींनी दिलेली आश्वासने फार मनावर घेऊ नका. गैरवर्तनाने प्रतिष्ठा धोक्यात येऊ शकेल.
वृश्चिक ( शुभ रंग- क्रीम)
आत्मविश्वासात वृद्धी होईल. मोठे व्यावसायिक करार यशस्वी होतील. धंद्यात भागीदारांबरोबर एकमत राहील. वैवाहिक जोडीदाराशी चांगले सूर जुळतील.
Chinchwad: एका फोनवर सुटणार चिंचवडमधील नागरिकांच्या समस्या ;आमदार शंकर जगताप यांची वन कॉल प्रोब्लेम सोल्व्ह हेल्पलाईन नागरिकांच्या सेवेत
धनु (शुभ रंग- पिस्ता) Rashi Bhavishya 13 Sept 2025
आज सर्वात आधी तब्येतीची काळजी घ्यायला हवी. काही जुने आजार डोके वर काढू शकतील. तज्ञ डॉक्टरांचा सल्ला वेळीच घेतलेला बरा.
मकर (शुभ रंग- पांढरा)
उच्चशिक्षित मंडळींच्या महत्त्वकांक्षा वाढतील. स्वतःच्या व्यक्तिमत्व विकासाकडे लक्ष द्याल. काही जणांचा गूढ शास्त्राच्या अभ्यासाकडे कल वाढेल.
कुंभ ( शुभ रंग- निळा)
पारिवारिक सदस्यात सामंजस्याची भावना राहील. मुलांची अभ्यासातील गोडी वाढेल. आज गृह सौख्याचा दिवस. आईला दिलेला शब्द जरूर पाळाल.
मीन ( शुभ रंग – मरून)
राशीच्या तृतीय स्थानी भ्रमण करणारा चंद्र तुमच्या पराक्रमात वृद्धी करणार आहे. आज तुम्ही चर्चेपेक्षा कृतीला प्राधान्य द्याल. भावंडांशी सलोखा वाढेल.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार
9689165424
