मावळ ऑनलाईन – आजचे पंचांग. महिना – आषाढ – कृष्णपक्ष. तिथी – ३. शके १९४७. वार – रविवार. तारीख – १३.०७.२०२५. (Rashi Bhavishya 13 July 2025)
शुभाशुभ विचार – १३ प. चांगला दिवस.
आज विशेष – साधारण दिवस.
राहू काळ – संध्याकाळी ०४.३० ते ०६.००.
दिशा शूल – पश्चिमेस असेल.
आज नक्षत्र – श्रवण ०६.५३ पर्यंत नंतर धनिष्ठा. चंद्र राशी – मकर १२.५४ पर्यंत नंतर कुंभ.
मेष- (शुभ रंग- हिरवा) Rashi Bhavishya 13 July 2025
कंजूषपणास आवर घाला. बिनधास्त खर्च करा. दुपारनंतर चंद्र राशीच्या लाभात प्रवेश करेल. विविध मार्गाने पैसा येणारच आहे. मित्रमंडळी तुमचा शब्द झेलतील.
वृषभ (शुभ रंग- क्रीम)
नोकरीच्या ठिकाणी असलेले विरोधी वातावरण दुपारनंतर निवळेल. वरिष्ठ आज तुमच्या कामाची दखल घेतील. कामाच्या ठिकाणी वाढत्या जबाबदाऱ्या तुम्ही आनंदाने स्वीकाराल.
मिथुन (शुभ रंग – पिस्ता)
नोकरदारांना साहेबांच्या मागेपुढे करावेच लागणार आहे. व्यावसायिकांनी फार मोठी रिस्क घेऊ नये. घरात ज्येष्ठांनी अध्यात्मिक मार्गात राहणेच हिताचे राहील.
कर्क ( शुभ रंग- भगवा)
आज दिवसभर तुमच्यासाठी अनुकूल आहे. सर्व कामे सुरळीत पार पडतील. मात्र दुपारनंतर वैवाहिक जीवनात काही सौम्य मतभेद संभवतात.
Lohagad Fort: लोहगड किल्ल्यावर पुरातत्व विभाग, ग्रामस्थ व शिवप्रेमींचा जल्लोष
सिंह ( शुभ रंग- गुलाबी) Rashi Bhavishya 13 July 2025
ज्येष्ठ मंडळींनी तब्येतीला जपावे. काही जुने आजार डोके वर काढण्याची शक्यता आहे. खाण्यापिण्यावर ताबा गरजेचा राहील. काही येणी अचानक वसूल होतील.
कन्या (शुभ रंग- निळा)
वर्क फ्रॉम होम करणाऱ्यांवर कामाचा ताण वाढणार आहे. गृह उद्योग करणाऱ्या महिलांची मिळकत वाढेल. जागेचे व्यवहार करण्यासाठी दिवस चांगला.
तूळ (शुभ रंग- पांढरा)
आधुनिक विचारसरणी असलेले लोक आज संपर्कात येतील. आज तुम्ही व्यक्तिमत्व विकासावर भर द्याल. आवडते छंद जपण्यासाठी वेळ काढाल.
वृश्चिक ( शुभ रंग- स्ट्रॉबेरी)
आज हाती असलेला पैसा खर्च करण्याचे विविध मार्ग सुचतील. मोठ्या मनाने आज तुम्ही गरजूंना मदतीचा हात द्याल. जास्त वेळ आज घराबाहेरच जाईल.
धनु (शुभ रंग- मोतिया) Rashi Bhavishya 13 July 2025
आज राशीचा धनस्थानी चंद्रभ्रमण होत असताना आवश्यक पैसा सहज उपलब्ध होईल. आज वाणीवर लगाम गरजेचा आहे. नेते सभा गाजवतील.
मकर (शुभ रंग- केशरी)
आज तुम्ही एखाद्या क्षुल्लक गोष्टीचा फार विचार कराल. मन हळवे करणारा एखादा प्रसंग घडेल. महत्त्वाच्या चर्चेत आज फक्त ऐकण्याचे काम करा.
कुंभ ( शुभ रंग- जांभळा)
आज दिवस खर्चाचा असताना बिनधास्त खर्च करा. गृहिणींना पूर्वीची बचत कामी येईल. बेरोजगारांना घरापासून दूर रोजगाराच्या संधी चालून येतील.
मीन ( शुभ रंग – डाळिंबी)
उद्योग व्यवसायाच्या दृष्टीने आज अनुकूल दिवस. नवीन व्यवसायिकांच्या अथक प्रयत्नांना यश येईल. कार्यक्षेत्रात यश जवळच आल्याची जाणीव होईल.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार
9689165424
