मावळ ऑनलाईन – आजचे पंचांग. महिना – आषाढ – शुक्लपक्ष. तिथी – १५. शके १९४७. वार – गुरुवार. तारीख – १०.०७.२०२५ (Rashi Bhavishya 10 July 2025)
शुभाशुभ विचार – १४ नंतर चांगला दिवस.
आज विशेष – गुरुपौर्णिमा.
राहू काळ – दुपारी ०१.३० ते ३.००.
दिशा शूल – दक्षिणेस असेल.
आज नक्षत्र – पूर्वाशाढा. चंद्र राशी – धनु.
मेष- (शुभ रंग- निळा) Rashi Bhavishya 10 July 2025
ज्येष्ठ मंडळींचा देवधर्माकडे कल वाढेल. गृहिणी यथा शक्ती दानधर्म करतील. आजी आजोबा नातवंडात रमतील. संध्याकाळी सत्संगात रामानेच हिताचे राहील.
वृषभ (शुभ रंग- डाळिंबी)
नोकरीच्या ठिकाणी काही मनाविरुद्ध घटना घडतील. आज फक्त आपल्या कामावर लक्ष केंद्रित करा. आज कुसंगत टाळून सज्जनांच्या सहवासात राहा.
मिथुन (शुभ रंग – हिरवा)
महत्त्वाचे व्यावसायिक निर्णय घेताना पार्टनर्सना विश्वासात घेणे हिताचे राहील. घरगुती निर्णय घेताना जोडीदाराचे मत मात्र अवश्य घ्या. आज अति आक्रमकता नको.
कर्क ( शुभ रंग- स्ट्रॉबेरी)
राशीच्या षष्ठ स्थानातून चंद्रभ्रमण होत असताना विरोधकांचा जोर वाढलेला असेल. तब्येतीची ही काळजी घेणे गरजेचे राहील. काही येणी असतील तर वसूल होतील.
सिंह ( शुभ रंग- सोनेरी) Rashi Bhavishya 10 July 2025
चैनी व विलासी वृत्ती वाढणार आहे. आवडत्या छंदासाठी आवर्जून वेळ काढाल. काही रसिक मंडळी सहलीचे बेत आखतील. प्रकृती उत्तम साथ देईल.
कन्या (शुभ रंग- चंदेरी)
प्रॉपर्टी खरेदी विक्री विषयी व्यवहार तुमच्या अपेक्षेनुसार होतील. घरात प्रिय पाहुण्यांची उठबस राहील. मुलांच्या शिस्तीकडेही लक्ष देणे गरजेचे आहे.
तूळ (शुभ रंग- आकाशी)
राशीच्या तृतीय स्थानी असलेला चंद्र तुमच्या पराक्रमात वृद्धी करेल. आज फक्त रिकामटेकड्या चर्चा टाळा. कारण यातून निष्पन्न काहीच होणार नाही.
वृश्चिक ( शुभ रंग- मोरपंखी)
खिशात पैसा खेळता असल्याने तुम्हाला प्रत्येक कामात आज उत्साह जाणवेल. रखडलेले उपक्रम सुरू करता येतील. इतरांना दिलेले शब्द पाळू शकाल.
धनु (शुभ रंग- क्रीम) Rashi Bhavishya 10 July 2025
आज वाढत्या खर्चात आवकही पुरेशी असेल. त्यामुळे जमाखर्चाचा तराजू समतोल राहील. तुमच्या अति स्पष्टवक्तेपणा मुळे काही नाती दुरावतील.
मकर (शुभ रंग- पिस्ता)
आज विदेशाशी संबंधित असलेले व्यवसाय चांगले चालतील. बेरोजगारांना घरापासून दूर नोकरीच्या चांगल्या संधी उपलब्ध होतील. आज दिवस खर्चाचा आहे.
कुंभ ( शुभ रंग- गुलाबी)
आज तुमच्यासाठी स्वप्नपूर्तीचा दिवस असून काही भाग्यवंतांना नव्या घराचा ताबा मिळेल. नवीन व्यावसायिकांना कर्ज मंजुरी होऊ शकेल.
मीन ( शुभ रंग – राखाडी)
मोठा लोकांमधील असलेली तुमची उठबस तुमच्या व्यवसाय वृद्धीच्या कामी येईल. अधिकारी वर्गाला वाढत्या जबाबदाऱ्या स्वीकाराव्या लागणार आहेत.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार
9689165424
