मावळ ऑनलाईन – मावळ तालुक्यातील नायगाव येथे (Naigaon Crime News)किरकोळ वादातून गंभीर स्वरूपाची मारहाणीची घटना घडली आहे. ट्रकचा हॉर्न मोठ्या आवाजात वाजवला म्हणून झालेल्या वादातून एका रिक्षाचालकाला लाकडी दांडक्याने मारहाण करण्यात आली. या घटनेमुळे परिसरात काही काळ खळबळ उडाली.
मिळालेल्या माहितीनुसार, सुनील लक्ष्मण शेटे (वय 35, रा. नायगाव, ता. मावळ) हे 22 सप्टेंबर रोजी रात्री साडेबारा वाजण्याच्या सुमारास नायगाव गावातील बब्बी दा ढाब्याच्या समोरील पार्किंग परिसरात होते. त्याचवेळी आरोपी प्रवीण म्हाकु येळे (वय 29, रा. घानंद, ता. आटपाडी, जि. सांगली) हा ट्रक घेऊन तेथे आला. ट्रकचा हॉर्न मोठ्याने का वाजवत आहे, असा सवाल फिर्यादी शेटे यांनी केला. त्यावरून वाद निर्माण झाला.
Talegaon Dabhade: आई आणि बहिणींकडून मानसिक छळ, एकाची आत्महत्या
Teacher Merit Award: राज्यशिक्षक गुणगौरव पुरस्काराने रामवाडीचे सुपुत्र अनिल गलगले पुरस्कारित
वाद तीव्र होताच आरोपी प्रवीण येळे याने ट्रकमधील लाकडी दांडका काढून सुनील शेटे यांच्या हात, पाय व डोक्यावर वार करून त्यांना जखमी केले. या हल्ल्यात शेटे यांचा मित्र दिपक गावडे यालाही किरकोळ मार लागला. मारहाणीबरोबरच आरोपीने शिवीगाळ व धमकावल्याचेही फिर्यादीत नमूद आहे.
या घटनेनंतर जखमींना उपचारासाठी रुग्णालयात हलविण्यात आले असून कामशेत पोलिस ठाण्यात फिर्याद नोंदविण्यात आली आहे. पोलिसांनी गुन्हा दाखल करून पुढील तपास सुरू केला आहे.