मावळ ऑनलाईन – मान्सून पर्यटनासाठी प्रसिद्ध असलेल्या (Lonavala)लोणावळ्यात एका तरुणीवर गाडीत सामूहिक बलात्काराची अत्यंत धक्कादायक आणि वेदनादायक घटना समोर आली आहे. पीडित तरुणीच्या तक्रारीवरून लोणावळा शहर पोलिस ठाण्यात तीन अज्ञात आरोपींविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, ही घटना शुक्रवार (दि .25) रात्री उशिरा घडली. तुंगार्ली गावाजवळच्या एका निर्जन रस्त्यावरून जात असताना तरुणीला एका कारमधील तीन जणांनी जबरदस्तीने गाडीत ओढून घेतले. पीडितेच्या म्हणण्यानुसार, आरोपींनी तिचा मोबाईल हिसकावून घेतला, तिचे तोंड दाबून आणि हात बांधून तिला वेगवेगळ्या ठिकाणी नेऊन अनेकवेळा बलात्कार केला.
घटनेनंतर पीडित तरुणी नांगरगावातील दत्त सोसायटी परिसरात संशयास्पद अवस्थेत आढळून आली. स्थानिक लोकांनी तिला जवळच्या मंदिरात सुरक्षित ठेवले आणि तात्काळ पोलिसांना माहिती दिली. पोलीस घटनास्थळी पोहोचले आणि पीडितेला वैद्यकीय तपासणीसाठी पाठवून तिचा जबाब नोंदवला. या भीषण घटनेमुळे संपूर्ण लोणावळा शहरात संतापाची लाट उसळली आहे. स्थानिक लोकांनी रस्त्यावर उतरून आरोपींना तात्काळ अटक करून त्यांच्यावर कठोर कारवाई करण्याची मागणी केली आहे.
Ajit Pawar: हिंजवडीच्या विकासकामात अडथळे आणणाऱ्या विरोधात गुन्हे दाखल करा- अजित पवार यांचा स्पष्ट इशारा
Alandi: वै. गुरुवर्य मामासाहेब दांडेकर स्मारकाजवळील अतिक्रमण हटविणे बाबत आळंदी नगरपरिषदेस निवेदन
लोणावळा पोलिसांनी या घटनेची गंभीर दखल घेत तपासासाठी विशेष पथके स्थापन केली आहेत. पोलिसांच्या माहितीनुसार, परिसरातील सीसीटीव्ही फुटेज तपासले जात असून, तांत्रिक आणि गुप्त माहितीच्या आधारे आरोपींचा शोध वेगाने सुरू आहे. लवकरच आरोपींची ओळख पटवून त्यांना अटक करण्यात येईल, असे पोलिसांचे म्हणणे आहे. दरम्यान, या घटनेचा राज्यभरातून निषेध होत असून, महिला सुरक्षेबाबत पुन्हा एकदा गंभीर प्रश्न निर्माण झाले आहेत.
