मावळ ऑनलाईन – सोशल मीडियावर रील स्टार असलेल्या महिलेने प्रियकराचा खून (Indori Murder) केला. प्रेमसंबंध तोडल्यानंतर पुन्हा प्रेमसंबंध ठेवण्याच्या मागणीसाठी दारूच्या नशेत घरात आलेल्या प्रियकराचे महिलेने हात पाय ओढणीच्या साहाय्याने बांधले. त्यानंतर लाकडी बॅटने बेदम मारहाण केली. बेशुद्ध अवस्थेत रुग्णालयात घेऊन जात असताना प्रियकराचा मृत्यू झाला. याप्रकरणी पोलिसांनी महिलेला अटक केली आहे. ही घटना १२ जून रोजी रात्री मावळ तालुक्यातील इंदोरी गावात घडली.
कमल रामदयाल मधुकर (३०, इंदोरी, मावळ. मूळ रा. छत्तीसगड) असे खून (Indori Murder) झालेल्या प्रियकराचे नाव आहे. याप्रकरणी कमल याच्या बहिणीने तळेगाव एमआयडीसी पोलीस ठाण्यात फिर्याद दिली आहे. संध्या आशिष पवार (३०, इंदोरी, मावळ) असे अटक केलेल्या आरोपी महिलेचे नाव आहे.
Kundamala: कुंडमळा पूल कोसळतानाचा फोटो आला समोर; मृत्यूचा क्षण टिपणारा, थरार उडवणारा
वरिष्ठ पोलीस निरीक्षक रणजित जाधव यांनी दिलेल्या माहितीनुसार (Indori Murder), संध्या पवार ही सोशल मीडियावर रील स्टार आहे. ती विवाहित असून तिला एक मुलगी आहे. तिच्या घरासमोर गुप्ता फार्म हाऊस आहे. त्या फार्म हाऊसवर संध्या मजुरीचे काम करत होती. कमल मधुकर हा देखील मागील दोन वर्षांपासून त्याच फार्म हाऊसवर काम करत होते. त्याला चार मुले आहेत. एकत्र काम करत असताना कमल याचे संध्या हिच्या घरी जाणे-येणे होत असे. सुरुवातीला दोघांमध्ये ओळख झाली, ओळखीचे रूपांतर मैत्री आणि पुढे प्रेमात झाले.
दरम्यान, कमल हा दोन महिन्यांसाठी त्याच्या मूळ गावी बिलासपूर, छत्तीसगड येथे गेला. तो पुन्हा इंदोरी येथे आल्यानंतर त्याने संध्याकडे पुन्हा प्रेमसंबंध ठेवण्याची मागणी केली. मात्र आता संध्याने प्रेमसंबंध ठेवण्यासाठी नकार दिला. कमल याच्याकडे दोघांचे व्हिडीओ, फोटो असल्याचे त्याने सांगितले. ते डिलीट करण्याची संध्याने विनंती केली. मात्र त्याने त्या बदल्यात प्रेम संबंध ठेवण्याची मागणी केली. १२ जून रोजी रात्री दहा वाजता कमल हा संध्याच्या घरी आला. त्याने पुन्हा संध्याकडे प्रेमसंबंध ठेवण्याची मागणी केली. त्यामुळे त्यांच्यात वाद झाला.
Alandi : आळंदी ग्रामीण हद्दीत बिबट्याचा वावर आढळल्याने वनविभागाद्वारे सतर्कतेचा इशारा
संध्याने कमल याचे हातपाय ओढणीच्या साहाय्याने बांधले. त्यानंतर मुलांच्या खेळण्यातील लाकडी बॅटने कमल याला ठिकठिकाणी मारहाण करून गंभीर जखमी केले. कमल बेशुद्ध पडल्याने संध्या त्याला घेऊन रुग्णालयात जात होती. मात्र रस्त्यातच कमल याचा मृत्यू (Indori Murder) झाला. पोलिसांनी संध्या पवार हिला अटक केली आहे. तिला १८ जून पर्यंत पोलीस कोठडीत ठेवण्याचे आदेश न्यायालयाने दिले आहेत. तळेगाव एमआयडीसी पोलीस तपास करीत आहेत.
