Team MyPuneCity – भारताच्या संरक्षण धोरणातील मैत्रीपूर्ण देशांशी सशक्त संबंध प्रस्थापित(Indian Air Force) करण्याच्या दिशेने एक महत्त्वाचे पाऊल टाकत, भारतीय वायुदलाने युनायटेड अरब एमिरेट्स (UAE) येथे होणाऱ्या ‘डेजर्ट फ्लॅग-१०’ या बहुराष्ट्रीय हवाई युद्धसरावात सहभाग घेतला आहे. यासाठी भारतीय वायुदलाचे एक दल अल धाफ्रा एअर बेसवर दाखल झाले असून, त्यांनी MiG-29 आणि Jaguar या लढाऊ विमानांसह सहभाग नोंदवला आहे.
हा महत्त्वाकांक्षी सराव २१ एप्रिलपासून ८ मे २०२५ पर्यंत चालणार आहे. यामध्ये युएईच्या हवाई दलाबरोबरच ऑस्ट्रेलिया, बहरीन, फ्रान्स, जर्मनी, कतार, सौदी अरेबिया, दक्षिण कोरिया, तुर्कस्तान, युनायटेड किंगडम आणि अमेरिका या देशांच्या हवाई दलांचाही सहभाग आहे.
सरावाचा उद्देश विविध प्रकारच्या लढाऊ मोहिमांचे व्यवस्थापन, एकमेकांशी परिचय वाढवणे, व्यावसायिक कार्यपद्धतींचा आदानप्रदान करणे आणि सर्व सहभागी देशांमधील लष्करी समन्वय व सहकार्य अधिक बळकट करणे असा आहे.
भारतीय वायुदलाच्या या सहभागामुळे भारताच्या सामरिक भागीदारीच्या भूमिकेला अधिक ठोस अधोरेखित करण्यात येते. यामुळे केवळ भारत आणि मध्यपूर्वेतील राष्ट्रांमधील संरक्षणसंबंध दृढ होत नाहीत, तर जागतिक पातळीवर भारताची लष्करी क्षमताही अधोरेखित होते.
Property Tax Recovery : तळेगावमध्ये १६ कोटींहून अधिक मालमत्ता कर वसूल
या युद्धसरावाच्या निमित्ताने भारताला जगातील प्रगत हवाई दलांबरोबर प्रशिक्षण घेण्याची आणि आपले तंत्रज्ञान व कार्यपद्धती जागतिक स्तरावर सिद्ध करण्याची संधी मिळणार आहे. त्यामुळे ‘डेजर्ट फ्लॅग-१०’ भारतासाठी सामरिकदृष्ट्या अत्यंत महत्त्वाचा ठरणार आहे.
https://youtu.be/AwU80BMOQnY?si=uOced68scXG6Smoi
