Team MyPuneCity – तळेगाव दाभाडे येथील श्री गजानन महाराज सेवा मंडळ ट्रस्ट (बाल संस्कार वर्ग) यांच्या वतीने आयोजित बाल संस्कार शिबिर २०२५ (Bal Sanskar Shibir) हे मुलांसाठी एक अनोखी संधी घेऊन येत आहे. या शिबिरामध्ये मुलांना संस्कृती संवर्धन, चित्रकला, हस्तकला, स्तोत्र पठण, खेळ, व्यायाम आणि विविध स्पर्धांमध्ये भाग घेण्याची संधी मिळणार आहे.
तसेच प्रत्येक सहभागीला प्रमाणपत्र देण्यात येणार असून उत्कृष्ट कामगिरी करणाऱ्या मुलांना बक्षिसे देखील वितरित केली जातील. याशिवाय मुलांसाठी विशेष आकर्षण म्हणून एक छोटीशी सहल आयोजित करण्यात येणार आहे. शिबिरात सहभागी होण्यासाठी व्हॉट्सॲप ग्रुपच्या माध्यमातून नावनोंदणी करता येईल. नावनोंदणी मर्यादित असल्याने लवकरात लवकर आपला सहभाग निश्चित करावा. या शिबिरासाठी प्रवेश विनामूल्य आहे.
शिबिराची ठळक वैशिष्ट्ये: (Bal Sanskar Shibir)
हसत खेळत संस्कृती संवर्धन: मुलांना खेळाच्या माध्यमातून भारतीय संस्कृती आणि परंपरांची ओळख करून देण्यात येईल.
चित्रकला आणि हस्तकला कार्यशाळा: रंगांचा खेळ आणि सर्जनशीलता यांचा अनोखा मिलाफ, जिथे मुलांना आपली कल्पकता व्यक्त करता येईल.
प्रमाणपत्र प्रदान: प्रत्येक सहभागी मुलाला सहभागाचे प्रमाणपत्र दिले जाईल.
स्तोत्र पठणाचे विशेष सत्र: धार्मिक ग्रंथांमधील स्तोत्र पठणाच्या माध्यमातून उच्चार आणि स्मरणशक्ती सुधारण्यास मदत होईल.
खेळ व शारीरिक व्यायाम: आरोग्यसंपन्न शरीर आणि चपळता वाढवण्यासाठी खेळ आणि व्यायामाचे सत्र आयोजित केले जाईल.
विविध स्पर्धांचे आयोजन व बक्षीस वितरण: बालकांच्या कलागुणांना वाव देण्यासाठी स्पर्धांचे आयोजन करून विजेत्यांना बक्षिसे प्रदान केली जातील.
आनंददायी छोटीशी सहल: शिबिरातील मुलांना आनंददायी सहलीचा अनुभव मिळणार आहे.
खाऊ वाटप: शिबिरादरम्यान मुलांसाठी पौष्टिक खाऊचे वितरण करण्यात येईल.
Holidays : सलग सुट्ट्या असूनही पर्यटन स्थळी शुकशुकाट
शिबिराची संपूर्ण माहिती: (Bal Sanskar Shibir)
वयोगट: ४ ते १२ वर्षे
कालावधी: १३ एप्रिल २०२५ ते २३ एप्रिल २०२५
वेळ: सायंकाळी ४ ते ६
ठिकाण: श्री गजानन महाराज मंदिर, न्यू आनंदनगर, तळेगाव दाभाडे
विशेष आकर्षण: १२ एप्रिल रोजी संस्कार दिंडी काढण्यात येणार आहे.
हे शिबिर मुलांच्या व्यक्तिमत्त्व विकासास मदत करणारे असून त्यांना संस्कार आणि कला क्षेत्रात नव्या संधी प्रदान करणार आहे. त्यामुळे सर्व पालकांनी आपल्या पाल्यास या शिबिरात सहभागी करून त्यांचा आत्मविश्वास व कला विकसित होण्यासाठी योगदान द्यावे.
नावनोंदणीसाठी संपर्क: Bal Sanskar Shibir
समर्थ सुगंधालय: ७७०९५१८२६८
अधिक माहितीसाठी संपर्क : ज्योती मुंगी, अनिता बोकील, विजया इनामदार, अलका विटवेकर
या सुवर्णसंधीचा लाभ घ्या आणि आपल्या पाल्याला संस्कारक्षम व आनंददायी अनुभव देण्यास पुढाकार घ्या, असे आवाहन संयोजकांनी केले आहे.
