मावळ ऑनलाईन –सर्व वाचकांना दीपावली आणि ( Annual Horoscope 2025)नववर्षाच्या हार्दिक शुभेच्छा! हे नववर्ष तुमच्या जीवनात सुख, शांती आणि समृद्धी नांदो-ही परमेश्वराजवळ प्रार्थना. विश्वाचा संदर्भ, दैवी शक्तीचे रहस्य आणि व्यवहारिक मार्गदर्शन- या सर्व घटकांना भव्य आणि आकर्षक शब्दांत गुंफून या वर्षाचे राशिभविष्य सादर केले आहे.
काळापर्यंत पसरलेल्या अथांग ब्रह्मांडात आपले अस्तित्व केवळ योग्यच नाही, तर अत्यंत महत्त्वाचे आहे. प्रत्येक व्यक्ती ही ग्रहांच्या महाकाळातील एक तेजस्वी, अर्थपूर्ण ओळ आहे.म्हणजेच, हीच ती दैवी शक्ती आहे जी मानवी भाषेत रूपांतरित होऊन ग्रहांच्या माध्यमातून व्यक्त होते -हीच ग्रहांची काव्यरचना!
ज्या क्षणी तुमचा जन्म झाला, त्या तेजस्वी क्षणी आकाशातील ग्रहांनी तुमच्या आत्म्यासाठी एक दैवी नियतीचा आराखडा – एक करार निश्चित केला. हा करार तुमच्या आयुष्यातील संघर्ष, सिद्धी, समाधान आणि कर्माच्या नियमांचे वर्णन करतो. ( Annual Horoscope 2026)
राशीभविष्य हे त्या दैवी कराराची भाषा समजून घेण्यास आणि विश्वाच्या चेतनेचा दिव्य आवाज ऐकण्यास
मदत करते. गुरूचा विस्तार, शनीची कठोर शिस्त, सूर्याचे तेजस्वी नेतृत्व आणि चंद्राची कोमल भावना-या सर्व ग्रहांच्या बदलांमुळे आपले भविष्य आकार घेत असते.राशीभविष्य नियतीच्या प्रवाहाविरुद्ध पोहायला शिकवत नाही;
तर ते तुमच्या अंतरात्म्याची शक्ती जागृत करते. योग्य वेळी योग्य निर्णय घेऊन आपण आपल्या आयुष्याचे नाव यशाच्या णि आनंदाच्या किनाऱ्याकडे आत्मविश्वासाने नेऊ शकतो.
आपली आत्मशक्ती जागृत करून जीवन यशस्वी आणि आनंदमय बनवण्यासाठी आम्ही हे बारा राशींचे भविष्य लिहिले आहे. याचबरोबर आम्ही प्रत्येक राशीसाठी शुभवार, शुभरंग, शुभकारक रत्ने, तसेच या वर्षासाठी उपाय आणि उपासना दिली आहे. त्याचा उपयोग आपल्याला नक्कीच होईल,
अशी खात्री आहे. एकदा पुन्हा, आपणास दीपावली आणि नववर्षाच्या हार्दिक शुभेच्छा!
ज्योतिर्भास्कर उमेश स्वामी
ज्योतिष व वास्तु सल्लागार
केशवनगर, कासारवाडी, पुणे-४११०३४
मो .: 9922311104.
कर्क रास – भावनेचे संजीवनी आणि आरोग्यावर लक्ष केंद्रित ( Annual Horoscope 2025)
कर्क रास ही राशीचक्रातील चौथी रास असून, जलतत्त्वाची स्त्री राशी आहे. या राशीवर चंद्राचे स्वामित्व आहे. त्यामुळे त्या ग्रहाच्या गुणधर्मानुसार संवेदनशीलता, संस्कारक्षमतेचा, सात्विक, शांत आणि एकांतप्रिय स्वभाव असतो. लोकप्रियता, राजकारणाची आवड आणि धर्मात्मा या
गुणांचा प्रभावही जाणवतो. चंद्र ग्रहाचा अंमल आपल्या राशीवर असल्यामुळे स्वभावात चढ-उतार असतात, परंतु हात आलाच आपण व्यवहारी आहात. काटकसरीपणा आणि संसार प्रपंच यशस्वी करण्यासाठी लागणारे गुण आपल्याकडे आहेत.
काल्पनिक विश्व आपल्या भावनांचा पगड आपल्या मनावर बसत असल्यामुळे ज्या प्रवाहाबरोबर आपण असतो, त्या प्रवाहाशी जुळवून घेता येते. आपले मन सतत चंचल आणि अस्थिर राहते. या राशीचे चिन्ह खेकडा आहे, त्यामुळे एखाद्या ध्येयाला किंवा विचाराला एकदम चिकटून राहण्याचा कल
असतो. आपण सर्व पंथांच्या व्यक्तींना सामावून घेता, धर्म-पंथाचा विचार बाजूला ठेवून सर्व स्तरांच्या व्यक्तींशी मैत्रीपूर्ण संबंध ठेवता.
आपल्या स्वभावात कधी कठोर कधी कोमल असण्याचे गुण आहेत. सात्विकता आपल्यामध्ये स्पष्ट आहे. एखाद्या नेत्याची अथवा साधुसंतांची मनोभावे पूजा अथवा निष्ठा ठेवून आपण काम करता. ग्रहण शक्ती आणि कल्पनाशक्ती चांगली असून परिस्थितीशी जुळवून घेऊन कार्य करता. या गतिमान पद्धतीमुळे व्यक्तिमत्त्वात भारदस्त वलय निर्माण होते. आपल्याकडे अफाट यश खेचून आणण्याची ताकद आहे, त्यामुळे आपण लोकप्रिय होता.
नक्षत्रांनुसार स्वभाव :- ( Annual Horoscope 2025)
कर्क राशीमध्ये पुनर्वसु, पुष्य आणि आश्लेषा नक्षत्रे येतात.
पुनर्वसु नक्षत्र: या व्यक्ती ईश्वरावर श्रद्धा ठेवणारे, सुखी, सात्विक वृत्तीचे, विनम्र, गोड बोलणारे आणि स्वतःचे विचार मांडणारे असतात. धर्मशील, कायदे पंडित, आत्मविश्वासपूर्ण व्यक्तिमत्त्व या लोकांमध्ये असते.
पुष्य नक्षत्रः पूजा-पाठ करणारे, बुद्धिमान, भाऊ- बहिणींमध्ये लाडके, राजकीय कुटुंबात एकत्र राहणारे असतात.
आश्लेषा नक्षत्रः परिणामांची चिंता न करणारे, काही वेळा विश्वासू नसणारे, क्रोधी, कृतघ्न, धूर्त, अनेक भाषांचे ज्ञान असलेले, वैभवाची इच्छा करणारे, राजकारणी, साहसी, अभिमानी आणि स्वातंत्र्यप्रिय असतात.
चालू वर्षाचे भविष्य ( Annual Horoscope 2025)
राशीच्या वय व प्रथम स्थानातून गुरुचे भ्रमण, भाम्यस्थानातून शनी व नेपच्यूनचे भ्रमण, अष्टम व धनस्थानातून राहू-केतूचे भ्रमण, तसेच लाभ व सप्तम स्थानातून हर्षल व प्लूटोचे भ्रमण होत आहे. अशा प्रकारे या वर्षीची प्रमुख गृहस्थिती ठरली आहे.
बाराव्या गुरूमुळे खर्चावर नियंत्रण ठेवावे लागेल. परदेशी किंवा दुसऱ्या ठिकाणी सतत प्रवासाची शक्यता राहील. जानेवारीनंतर आरोग्यात उत्तम सुधारणा होईल, आत्मविश्वास वाढेल. आप्तवर्गामध्ये अधूनमधून मतभेद होण्याची शक्यता.आहे. गुरूतुल्य व्यक्तींशी वाद-विवाद होऊ शकतात. जीवनातील महत्त्वाच्या समस्या सोडवताना विचारपूर्वक अथवा सल्लागाराचे मार्गदर्शन उपयोगी राहील. वडिलांच्या आरोग्याकडे लक्ष द्यावे लागेल. नशिब आणि भाग्याची साथ यांचा समन्वय साधावा लागेल.
उच्च शिक्षण व प्रवासामध्ये दिशाभूल होऊ शकते. अध्यात्मिक व धार्मिक प्रवासाची संधी मिळेल. संशोधन
आणि अचानक होणाऱ्या घटनांबाबत सूचना दृष्टिकोन लाभेल. वाणीवर नियंत्रण ठेवणे आवश्यक आहे. कौटुंबिक वाद-विवाद संभवतात. खाण्याच्या सवयींमध्ये सुधारणा करणे आवश्यक राहील.
मित्र मंडळ, सामाजिक गट आणि भविष्याच्या योजनेमध्ये अनपेक्षित बदल होतील. नवीन व वेगळ्या विचारांच्या लोकांच्या संपर्कात याल. अध्यात्मिक व धार्मिक विचारांमध्ये सखोलता वाढेल.
आरोग्याकडे लक्ष द्या. कर्ज आणि गुप्तधनाच्या स्रोतांमध्ये उलथापालथ दर्शविली जाऊ शकते. विवाह संबंधामध्ये संघर्ष जाणवेल, एकंदरीत, कर्क राशीच्या व्यक्तींकरिता हे वर्ष व्यवसाय वृद्धीचे, पण ताणतणावाचे राहील.
उपासना आणि उपाय ( Annual Horoscope 2025)
*शिवशंकर व गणपती उपासना केल्यास उत्तम राहील.
*हनुमान कवच दररोज पठण करावे.
*कावळे, मासे यांना अन्नदान करावे.
*पिठाचे गोळे, मुरमुरे, बदाम, नारळ हे मंदिरात दान करावे.
*राहू-केतूचा जप करून हवन करावे.
*औदुंबर वृक्षाचे पूजन करावे.
*धर्मदायी संस्थांना अन्नदानास मदत करावी.
शुभ घटक:
शुभ रंग : पाढरा, आकाशी आणि सिल्वर.
भाग्यरत्न: प्रवाळ, पांढरा पुष्कराज, तसेच माणिक रत्नाचा वापर
लाभदायक,
शुभ दिनांक : कोणत्याही महिन्याचे २, ११, २९.
भाग्यकारक वयोवर्षे: २४, ३२,४०, ४८,५९,६६.
