मावळ ऑनलाईन – आजचे पंचांग- शालिवाहन शके १९४७. विश्वावसुनाम संवत्सर. महिना: अश्विन, शुक्लपक्ष. तिथी – १२. तारीख – ०४.१०.२०२५. वार – शनिवार. (Rashi Bhavishya 4 Oct 2025)
शुभाशुभ विचार – उत्तम दिवस.
आज विशेष- शनि प्रदोष.
राहू काळ – सकाळी ०९.०० ते १०.३०.
दिशा शूल – पूर्वेस असेल.
आज नक्षत्र- धनिष्ठा ०९.१० पर्यंत नंतर शततारका. चंद्र राशी – कुंभ.
मेष – ( शुभ रंग – राखाडी) Rashi Bhavishya 4 Oct 2025
आज काही अनुकूल घटना तुमचा आत्मविश्वास वाढवतील. तुमच्या मानसन्मानात वृद्धी होईल. प्रतिष्ठितांच्या सहवासात तुमचेही विचार प्रगल्भ होतील.
वृषभ ( शुभ रंग- भगवा)
कोणतेही नवे उपक्रम हाती घेण्यासाठी आज योग्य दिवस आहे. तरुणांच्या महत्त्वकांक्षा वाढणार आहेत. आज व्यवसाय वृद्धीसाठी तुम्हाला विविध संधी चालून येतील.
मिथुन – ( शुभ रंग- डाळिंबी)
नोकरदारांनी प्रलोभनांना बळी पडू नये. जेष्ठ मंडळींनी सल्ले न देता सत्संगात रमावे. आज सरकार नियम मोडल्याने दंड भरावा लागू शकतो.
कर्क – ( शुभ रंग – जांभळा)
आज कोणतेही धाडस करू नका. मोठ्या आर्थिक उलाढाली करताना सावध राहायला हवे. विवाह जुळवण्या विषयी चर्चा उद्यावर ढकला. प्रतिकूल दिवस आहे.
Dehu Road: आकर्षक विद्युत रोषणाईने प्रथमच सजले देहूरोड बाजारपेठ
सिंह -( शुभ रंग – गुलाबी) Rashi Bhavishya 4 Oct 2025
आज महत्त्वाच्या चर्चा व वाटाघाटी यशस्वी होतील. तुमच्या वक्तृत्वाचा समोरील व्यक्तीवर सकारात्मक प्रभाव पडेल. जोडीदाराला दिलेला शब्द पाळाल.
कन्या – ( शुभ रंग- तांबडा)
किरकोळ वाटणारी दुखणे ही दुर्लक्षित करू नका. राशीच्या षष्ठातून चंद्र भ्रमण होत असल्याने काही जुने आजार डोके वर काढतील, काळजी घ्या.
तूळ ( शुभ रंग- हिरवा)
काहीजण थोडावेळ काम बाजूला ठेवूनही आपल्या जुन्या छंदासाठी वेळ काढतील. आज संध्याकाळी एखाद्या प्रिय व्यक्तीचा अनपेक्षित पणे फोन येईल.
वृश्चिक ( शुभ रंग – मोतिया)
आज राशीच्या चतुर्थस्थानात चंद्रभ्रमण असताना गृहिणी अतिव्यस्त असतील. आग मुलांच्या ऑनलाईन अभ्यासात डोकावून पाहणे हिताचे राहील.
Kothrud: कोथरूडमध्ये मुलाकडून पित्याचा खून
धनु (शुभ रंग- मोरपंखी) Rashi Bhavishya 4 Oct 2025
कार्यक्षेत्रात काही नवे हितसंबंध तयार होतील. तरी आज नवीन ओळखीत आर्थिक व्यवहार मात्र टाळा. आज जरा आईच्या प्रकृतीची काळजी घ्या.
मकर (शुभ रंग- आकाशी)
आज खर्च करताना काळजी करू नका. राशीच्या धनस्थानातील चंद्र जमाखर्चाचा तराजू समतोल ठेवेलच. कठोर बोलून हितचिंतकांना दुखावू नका.
कुंभ – (शुभ रंग- मोरपंखी)
आज मनाच्या लहरीपणावर नियंत्रण ठेवा. व्यवसायात अनुभवींचे मार्गदर्शन घेणं हिताचे राहील. आज स्पर्धकांना कमजोर समजण्याची चूक करू नका.
मीन ( शुभ रंग- निळा)
बेरोजगारांना घरापासून लांब रोजगार मिळेल. पासपोर्ट विजा संबंधित कामे यशस्वी होतील. रात्रीच्या प्रवासात सावध राहा. मौल्यवान ऐवज जपा.
शुभम भवतु
– जयंत कुळकर्णी
ज्योतिष व वास्तु शास्त्र सल्लागार
फोन 9689165424
