मावळ ऑनलाईन –मेफेड्रोन हा अमली पदार्थ विक्रीसाठी(Talegaon) आलेल्या एकाला गुन्हे शाखेच्या युनिट तीनने मावळ तालुक्यातील आंबी येथून ताब्यात घेतले. त्याच्याकडून १६.३९ ग्रॅम वजनाचे मेफेड्रोन जप्त करण्यात आले आहे. ही कारवाई गुरुवारी (१ ऑक्टोबर) सायंकाळी करण्यात आली.
संतोष अशोक कोरडे (३५, ताजे, मावळ) असे अटक केलेल्या आरोपीचे नाव आहे. याप्रकरणी पोलीस कॉन्स्टेबल सागर जैनक यांनी तळेगाव एमआयडीसी पोलीस ठाण्यात फिर्याद दिली आहे.
Vijaya Dashmi : श्रीमंत सरसेनापती दाभाडे राजघराण्याच्या शस्त्रपूजनाचा पारंपरिक सोहळा उत्साहात
Gurwar Peth Crime : गुरुवार पेठेतील सराफा पेढी चोरी प्रकरणात एक आरोपी उत्तर प्रदेशातून अटक, 36 किलो चांदी जप्त
पोलिसांनी दिलेल्या माहितीनुसार, मावळ तालुक्यातील आंबी येथे एकजण मेफेड्रोन विक्रीसाठी आला असल्याची माहिती गुन्हे शाखा युनिट तीनला मिळाली. त्यानुसार पोलिसांनी सापळा लावून संतोष कोरडे याला कारसह ताब्यात घेतले. त्याची झडती घेतली असता त्याच्याकडे एक लाख ६३ हजार ९०० रुपये किमतीचे १६.३९ ग्रॅम मेफेड्रोन जप्त करण्यात आले आहे. तळेगाव एमआयडीसी पोलीस तपास करीत आहेत.
