मावळ ऑनलाईन – आजचे पंचांग- शालिवाहन शके १९४७. विश्वावसुनाम संवत्सर. महिना: भाद्रपद कृष्णपक्ष. तिथी – १० वार – मंगळवार. तारीख १६ सप्टेंबर २०२५ (Rashi Bhavishya 16 SEPT 2025). शुभाशुभ विचार – १३ पर्यंत चांगला दिवस. आज विशेष- दशमी श्राद्ध. राहू काळ – दुपारी ०३.०० ते ४.३०. दिशा शूल – उत्तरेस असेल. आज नक्षत्र- आर्द्रा ०६.४६ पर्यंत नंतर पुनर्वसु. चंद्र राशी – मिथुन.
—————————-
मेष – ( शुभ रंग – क्रीम) Rashi Bhavishya 16 SEPT 2025
आज तुम्हाला प्रत्येक कामात प्रचंड उत्साह जाणवेल. तुमचा बराचसा वेळ घराबाहेर जाणार आहे. मुलांना तर आज अभ्यास प्रचंड कंटाळवाणा वाटेल.
वृषभ ( शुभ रंग- हिरवा)
आज आवश्यक असलेला पैसा सहज उपलब्ध होईल. वाद विवादात आज तुमचीच सरशी असेल. तरीही नाती जपण्यासाठी आज कठोर शब्दप्रयोग टाळावा.
मिथुन – ( शुभ रंग- निळा)
आज तुम्ही कुठेही आपलीच मर्जी चालवण्याचा प्रयत्न कराल. कामाच्या ठिकाणी तुमच्या अंगी असलेल्या नेतृत्वगुणांना वाव मिळेल. उत्साही दिवस.
कर्क – ( शुभ रंग – चंदेरी)
व्यवसायात जमाखर्चाचे गणित बिघडेल. बेरोजगारांची भ्रमंती चालूच राहणार आहे. घरात थोरांनी केलेले उपदेश ऐकून घ्यावे लागतील. आज कमीच बोला.
सिंह -( शुभ रंग – केशरी) Rashi Bhavishya 16 SEPT 2025
धंद्यातील येणी वसूल झाल्याने नवीन व्यावसायिकांचा उत्साह वाढणार आहे. आजचा दिवस लाभाचा असल्याने जसे चिंताल तसे होईल. शुभच चिंता.
कन्या – ( शुभ रंग- डाळिंबी)
उद्योगधंद्यातील वाढत्या स्पर्धेला समर्थपणे तोंड द्याल. वरिष्ठ नोकरदारांवर वाढीव जबाबदाऱ्या सोपवतील. आज तुम्हाला कुटुंबीयांना वेळ देणे अवघड जाईल.
तूळ ( शुभ रंग- मोरपंखी)
कोणत्याही क्षेत्रातील तुमच्या प्रामाणिक मेहनतीस दैवाची साथ मिळेल. ज्येष्ठ मंडळी सत्संगात रमतील. घरात धार्मिक कार्य करण्याची इच्छा होईल.
वृश्चिक ( शुभ रंग – भगवा)
कार्यक्षेत्रात तुमची व्यस्तता वाढेल. तुम्हाला पूर्वीच्या काही चुका निस्तराव्या लागतील. वाहन चालवताना वेगावर नियंत्रण असणे गरजेचे आहे.
धनु (शुभ रंग- जांभळा) Rashi Bhavishya 16 SEPT 2025
कार्यक्षेत्रातील तुमचे वर्चस्व वाढेल नव्या ओळखी व्यवसाय वृद्धीच्या कामी येतील आज जोडीदाराला अभिमानास्पद वाटेल अशी कामगिरी कराल.
मकर (शुभ रंग- राखाडी)
काही येणे असतील तर ती वसूल होण्यासाठी मागावी लागणार आहेत. आज तुमचे हितशत्रूही मित्रांमध्येच लपून बसलेले असतील सतर्क रहा.
कुंभ – (शुभ रंग- पिस्ता)
योग्य आर्थिक नियोजन व वेळेचा सदुपयोग करून ध्येयाकडे वेगाने वाटचाल कराल. उच्चशिक्षितांच्या अपेक्षा वाढतील. कलाकारांना ग्लॅमर मिळेल.
मीन ( शुभ रंग- स्ट्रॉबेरी)
मंदावलेले घरगुती उद्योग नव्याने कार्यरत करू शकाल. पारिवारिक सदस्यात सामंजस्याची भावना राहील. कलाकारांना प्रयत्न वाढवावे लागणार आहेत.
शुभम भवतु!
– जयंत कुळकर्णी
ज्योतिष व वास्तु शास्त्र सल्लागार.
फोन 9689165424
