मावळ ऑनलाईन – आजचे पंचांग. महिना – भाद्रपद – शुक्लपक्ष. तिथी – ६. शके १९४७. वार – शुक्रवार. तारीख – २९.०८.२०२५ (Rashi Bhavishya 29 August 2025)
शुभाशुभ विचार – १२ पर्यंत चांगला दिवस.
आज विशेष – सामान्य दिवस.
राहू काळ – सकाळी १०.३० ते १२.००.
दिशा शूल – पश्चिमेस असेल.
आज नक्षत्र – स्वाती ११.३९ पर्यंत नंतर विशाखा. चंद्र राशी – तूळ.
मेष- (शुभ रंग- पिस्ता) Rashi Bhavishya 29 August 2025
तरुण मंडळी आज जीवाची मुंबई करतील. आज मॉल मधील ब्रॅण्डेड वस्तू गृहिणींना आकर्षित करतील. कार्यक्षेत्रातील पेच प्रसंग यशस्वीपणे सोडवता येतील.
वृषभ (शुभ रंग- पांढरा)
घरात सज्जनांची उठबस राहील. गृहिणींना गृह उद्योगातून चांगली मिळकत होईल. आज खाण्यापिण्यावर ताबा ठेवायला हवा. अपचनाचा त्रास होऊ शकतो.
मिथुन (शुभ रंग – गुलाबी)
आज राशीच्या पंचम स्थानातून चंद्रभ्रमण होत असताना चर्चेपेक्षा कृतीला प्राधान्य देणे गरजेचे आहे. गर्भवतींना मनोवांछीत संततीचा लाभ होईल.
कर्क ( शुभ रंग- मरून)
विविध मार्गाने पैसा येईल. आज आपले आवडते छंद जपण्यासाठी वेळ व पैसा खर्च कराल. विवाह विषयक बोलणी होकारार्थी पार पडतील.
Maval: मावळ तालुक्यात गावागावांत मराठा आंदोलकांची जेवणाची सोय
सिंह ( शुभ रंग- गुलाबी) Rashi Bhavishya 29 August 2025
पूर्वी केलेली गुंतवणूक चांगला लाभ देईल. आज एखादी हरवलेली वस्तू सापडेल. वैवाहिक जीवनात आज सुसंवाद राहील. मुलेही आज्ञेत वागतील.
कन्या (शुभ रंग- हिरवा)
खर्च कितीही वाढला तरी पैसा कमी पडणार नाही. तुमची मोठ्या लोकांमधील उठबस फायदेशीर राहील. उच्च शिक्षितांना विदेश गमनाच्या संधी येतील.
तूळ (शुभ रंग- केशरी)
कार्यक्षेत्रात नवे हितसंबंध निर्माण होतील. उपवारांना स्थळे सांगून येतील. चैनी व विलास वृत्ती बळावेल. आवडते छंद जपण्यासाठी आवर्जून वेळ काढाल.
वृश्चिक ( शुभ रंग- निळा)
नोकरीच्या ठिकाणी काही वाढीव जबाबदाऱ्या स्वीकाराव्या लागतील. आज फक्त आपल्या कर्तव्याला प्राधान्य द्याल मित्रांना दुरूनच रामराम करा.
Pune Metro: गर्दी व गैरसोय टाळण्यासाठी पुणे मेट्रोकडून गणेशोत्सव काळात प्रवाशांसाठी विशेष सूचना
धनु (शुभ रंग- भगवा) Rashi Bhavishya 29 August 2025
नोकरदारांवर वरिष्ठांचे दडपण राहील. आज शासकीय नियम काटेकोरपणे पाळावे लागतील. ध्येयपूर्तीसाठी कामाचे तास वाढवावे लागतील. आज दानधर्म कराल.
मकर (शुभ रंग- राखाडी)
उद्योगधंद्याच्या दृष्टीने प्रतिकूल दिवस असून नोकरदारांना साहेबांच्या लहरी सांभाळाव्या लागतील. आज हातचे सोडून पळत्या मागे अजिबात जाऊ नका.
कुंभ ( शुभ रंग- सोनेरी)
आज फक्त आपल्या भल्याचा विचार करा भावनेच्या भरात कोणालाही वचने देऊ नका. आज तुम्ही घरगुती प्रश्नांत जोडीदाराचे सल्ले मात्र अवश्य घ्या.
मीन ( शुभ रंग – भगवा)
आज अतिआक्रमकता नुकसानाला कारणीभूत होईल. महत्त्वाच्या प्रश्नांत आपल्या जोडीदाराचे मत अवश्य घ्या. हौस-मौज करताना कायद्याचे भान असूद्या.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार.
9689165424
