मावळ ऑनलाईन – पवना धरण परिसरात पावसाचा जोर(Pawana Dam) वाढल्यामुळे धरणातील पाणीसाठा झपाट्याने वाढत असून, सध्या धरण 98.58 टक्के भरलेले आहे. आज (सोमवारी) रात्री 9 वाजेपर्यंत जलविद्युत केंद्राद्वारे पवना नदीपात्रात 1 हजार 400 क्युसेक विसर्ग सुरू होता. मात्र येत्या काही तासांत हा विसर्ग वाढवून 3 हजार 500 क्युसेक करण्यात येण्याची शक्यता असल्याची माहिती पवना धरण पूरनियंत्रण कक्ष, खडकवासला पाटबंधारे विभाग यांनी दिली.
पवना धरणाच्या पाणलोट क्षेत्रात जोरदार पाऊस सुरू असल्याने धरणात येवा वाढत आहे. त्यामुळे धरणातील साठा नियंत्रणात ठेवण्यासाठी नदीपात्रात पाण्याचा विसर्ग टप्प्याटप्प्याने वाढविण्यात येईल. पावसाचे प्रमाण आणि येवा यानुसार विसर्गात बदल होऊ शकतो.
धरण प्रशासनाकडून नदीकाठच्या गावांतील रहिवाशांना खबरदारी घेण्याचे आवाहन करण्यात आले आहे. अचानक पाणीपातळी वाढल्याने नदीपात्राजवळील शेतकऱ्यांनी, मासेमारी करणाऱ्यांनी तसेच नदीपात्रात फिरणाऱ्यांनी तत्काळ दूर राहावे. तसेच नदीकिनारी असलेली जनावरे, शेतमाल सुरक्षित ठिकाणी हलवावा, असे आवाहन करण्यात आले आहे.
Pune: ‘सेवासदन’तर्फे सेवाभावी गणेश मंडळांचा गौरव
Lohagad Fort: किल्ले लोहगड व विसापूर वरील शिवमंदिरात श्रावणी सोमवारच्या अभिषेकाची अखंडित परंपरा
पूरनियंत्रण कक्ष आणि प्रशासनाच्या सूचनांचे पालन करणे आवश्यक असून, धरणातून वाढता विसर्ग पाहता नागरिकांनी सतर्कता व दक्षता बाळगण्याचे आवाहन करण्यात आले आहे.
