मावळ ऑनलाईन – आई एकवीरा देवीचे दर्शन घेऊन (Karla Ghat Accident )माघारी परतणाऱ्या भाविकांची गाडी कार्ला घाट उतरताना ब्रेक न लागल्याने झाडाला धडकली. या अपघातात एक जण गंभीर जखमी झाला असून, इतर प्रवासी सुखरूप बचावले आहेत. मंगळवारी (दि.12) दुपारी सुमारास ही दुर्घटना घडली.
पोलिसांकडून मिळालेल्या माहितीनुसार, एमएच 13 ईके 5303 (Ertiga) क्रमांकाची चारचाकी गाडी घेऊन सात भाविक आई एकवीरा देवीच्या दर्शनासाठी आले होते. दर्शनानंतर परतीच्या प्रवासात घाट उतरताना गाडीतील पाण्याच्या बाटल्या पुढे सरकत ब्रेक पॅडलखाली अडकल्याने चालकाला ब्रेक दाबता आला नाही. त्यामुळे नियंत्रण सुटलेली गाडी रस्त्याच्या कडेला असलेल्या झाडाला जोरात धडकली.
अपघात होताच जवळच्या रिक्षा स्टॅन्डवरील चालकांनी तात्काळ धाव घेत, गाडीत अडकलेल्या प्रवाशांना बाहेर काढले. जखमी व्यक्तीला तातडीने उपचारासाठी दवाखान्यात हलवण्यात आले, तर इतर प्रवाशांना प्राथमिक उपचार देण्यात आले.
Talegaon Dabhade: नूतन अभियांत्रिकीमध्ये उद्योजकता विकास सत्राचे आयोजन
PMPML: रक्षाबंधन सणाच्या 4 दिवसाच्या कालावधीत पीएमपीएमएल ने कमावले तब्बल 10 कोटी
घटनेच्या वेळी कार्ला परिसरात हलका पाऊस सुरू असल्याने रस्ता ओला आणि मातीमुळे निसरडा झाला होता. या परिस्थितीमुळेही गाडीचे नियंत्रण अधिक बिघडल्याची शक्यता पोलिसांकडून व्यक्त करण्यात आली आहे. पुढील तपास स्थानिक पोलीस करीत आहेत.
