मावळ ऑनलाईन – आजचे पंचांग. महिना – श्रावण – शुक्लपक्ष. तिथी – ५. शके १९४७. वार – मंगळवार. तारीख – २९.०७.२०२५. (Rashi Bhavishya 29 July 2025)
शुभाशुभ विचार – चांगला दिवस.
आज विशेष – नागपंचमी.
राहू काळ – दुपारी ३.०० ते ४.३०.
दिशा शूल – उत्तरेस असेल.
आज नक्षत्र – उत्तरा फाल्गुनी १९.२८ पर्यंत नंतर हस्त. चंद्र राशी – कन्या.
मेष- (शुभ रंग- मोरपंखी) Rashi Bhavishya 29 July 2025
एखादा बरा झालेला आजार पुन्हा डोके वर काढण्याची शक्यता आहे. महत्त्वकांक्षांना थोडा ब्रेक लावून आपल्या प्रकृतीकडेही लक्ष देणे गरजेचे आहे.
वृषभ (शुभ रंग- राखाडी)
कलाकारांनी आज आलेली कोणतीही संधी वाया घालवू नये. हौशी गृहिणी आज घर सजावटीसाठी मौल्यवान वस्तूंची खरेदी करतील. आनंदी दिवस.
मिथुन (शुभ रंग – पांढरा)
जमीन खरेदी विक्रीच्या व्यवहारात फायदा होईल. आज नवोदित कलाकारांना कामासाठी भटकंती करावी लागेल. खेळाडूंना सराव वाढवावा लागेल.
कर्क ( शुभ रंग- जांभळा)
आपण उच्च अधिकारी असाल तर आज कोणत्याही कागदपत्रांवर सह्या करताना सतर्क रहा. अनोळखी व्यक्तींशी व्यवहार नकोच. घराबाहेर वाद विवाद टाळा.
Vadgaon Maval: प्रधानमंत्री आवास योजनेअंतर्गत वडगाव मावळ येथे घरकुल आदेश व चावी वाटपाचा भव्य सोहळा
सिंह ( शुभ रंग- चंदेरी) Rashi Bhavishya 29 July 2025
आज तुमचे मनोबल उत्तम असेल. खर्च वाढला तरीही आवकही मुबलक राहील. नेतेमंडळी आज बेधडक वक्तव्य करतील. गोड बोलून स्वार्थ साधू शकाल.
कन्या (शुभ रंग- पिस्ता)
आज तुमच्या वागण्यात इतरांना हट्टीपणा जाणवेल. महत्त्वाच्या चर्चेत तुम्ही आपल्याच मतावर अडून राहाल. आज घरात जोडीदाराचे मत विचारात घ्या.
तूळ (शुभ रंग- क्रीम)
खर्चाचे प्रमाण मर्यादेबाहेर जाईल. ज्येष्ठांना काही आरोग्य विषयक चाचण्या करून घ्याव्या लागतील. उष्णतेच्या विकारांची वेळीच दखल घेणे हिताचे राहील.
वृश्चिक ( शुभ रंग- निळा)
आज राशीच्या लाभात चंद्र असताना पूर्वीच्या कष्टांचे फळ मिळण्याचा दिवस. प्रगतीच्या मार्गातील अडथळे दूर होतील. एखादा अनपेक्षित लाभ होईल.
Pune Railway Station : पुणे रेल्वे स्थानकाच्या ऐतिहासिक इमारतीची शतकपूर्ती
धनु (शुभ रंग- हिरवा) Rashi Bhavishya 29 July 2025
तरुण मंडळी ध्येयप्राप्तीकडे यशस्वी वाटचाल करतील. अधिकारी वर्गाला काही कठोर निर्णय घ्यावे लागतील. आज रिकाम्या गप्पांसाठी अजिबात वेळ नाही.
मकर (शुभ रंग- आकाशी)
आज काही जणांचा गूढ शास्त्रां कडे कल वाढेल. ज्येष्ठ मंडळींना उपासनेची प्रचिती येईल. आज प्रयत्नांना दैव साथ देईल जाणकारांचे मार्गदर्शन अवश्य घ्या.
कुंभ ( शुभ रंग- तांबडा)
व्यवसायात फार मोठी रिस्क घेण्यासाठी आज दिवस योग्य नाही. नव्यानेच झालेल्या ओळखीत आर्थिक व्यवहार टाळावेत. आज जोडीदाराला लाभ होतील.
मीन ( शुभ रंग – स्ट्रॉबेरी)
व्यावसायिक मंडळींना तीव्र स्पर्धेचा सामना करावा लागणार आहे. विरोधक माघार घेतील. आज वैवाहिक जीवनात सुसंवाद राहील. आशादायी दिवस.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार.
9689165424
