मावळ ऑनलाईन – पुरुष विभागात माय मुळशी संघाने ( Pune League ) लयभारी पिंपरी चिंचवड संघावर ४१-३० अशी दणदणीत विजय मिळविला. मध्यंतराला माय मुळशी संघाकडे १८-१६ अशी आघाडी होती. माय मुळशी संघाच्या ओमकार शिंदे व मनिष काळजे यांनी जबरदस्त चढाया करीत आपल्या संघाला विजय मिळवून दिला. तर लयभारी पिंपरी चिंचवडच्या आर्यन राठोड याने चौफेर चढाया करीत खेळात रंगत आणली.
आकाश देसले याने चांगल्या पकडी घेतल्या. वेगवान पुणे संघाने शिवनेरी जुन्नर संघावर ४८-४६ असा निसटता विजय मिळविला. मध्यंतराला वेगवान पुणे संघाकडे ३४-२३ अशी आघाडी होती. वेगवान पुणे संघाच्या दिपक मरगळे व साहिल कुलाळ यांनी चांगल्या चढाया केल्या. तर गणेश शेळके व सिध्दीराज मुरुमकर यांनी पकडी घेतल्या. शिवनेरी जुन्नर संघाचच्या बदली खेळाडू म्हणून खेळलेल्या शाहबाज शेख याने एकाकी झुंज दिली. दिपक पवार चांगल्या पकडी ( Pune League )घेतल्या.
Alandi : आळंदी नगरपरिषद शाळांमध्ये नवीन शैक्षणिक वर्षात नाविन्यपूर्ण उपक्रम राबविण्यात येणार
महिला विभागात वेगवान पुणे संघाने छावा पुरंदर संघावर ३५-३३ असा विजय मिळविला. मध्यंतराला वेगवान पुणे संघ १७-१८ असा पिछाडीवर होता. मध्यंतरानंतर अत्यंत सावध खेळ करीत वेगवान संघाच्या चौफेर चढाया करीत अनन्या चव्हरकर व प्रतिक्षा कऱ्हेकर यांनी आपल्या संघाला विजय मिळवून दिला. सिध्दी मराठेने पक़डी घेतल्या. छावा संघाच्या सानिका खाडे व रिया धुमाळ यांनी चांगला प्रतिकार केला. तर कोमल आवळे हिने पकडी केल्या.
शिवनेरी जुन्नर संघाने झुंजार खेड संघावर २०-१० असा विजय मिळविला. मध्यंतराला शिवनेरी जुन्नर संघाकडे १८-८ अशी आघाडी होती. शिवनेरी जुन्नर संघाच्या अंकिता पिसाळ व किर्ती कडगंची यांनी आक्रमक खेळ केला. धनश्री कदम व प्रतिक्षा गोरे यांनी पकडी घेतल्या. झुंजार खेड संघाच्या सुहानी माने व आर्या लवार्डे यांनी चागला खेळ केला. तर देवयानी गोगावले व ज्ञानेश्वरी काळे यांनी पकडी ( Pune League ) केल्या.
