मावळ ऑनलाईन – रोटरी क्लब ऑफ तळेगाव दाभाडेचा 33 वा पदग्रहण सोहळा हॉटेल ईशा येथे अतिशय थाटामाटात संपन्न झाला. सन २०२५-२६ या रोटरी वर्षासाठी अध्यक्ष रो श्रीशैल मेंथे,उपाध्यक्ष रो प्रमोद दाभाडे, सचिव म्हणून प्रसाद मुंगी यांनी तर इतर 17 कार्यकारी सदस्यांनी आपला पदभार स्वीकारला.या वेळी प्रांतपाल संतोष मराठे तसेच सहायक प्रांतपाल विन्सेंट सालेर हे उपस्थित होते.
प्रांतपाल संतोष मराठे यांनी सर्व नवनिर्वाचित पदाधिकाऱ्यांना शुभेच्छा देत,रोटरी क्लब ऑफ तळेगाव दाभाडे हा प्रांत 3131 मध्ये आपल्या वैविध्यपूर्ण प्रकल्पांमुळे एक नाव लौकीक असलेला क्लब असून,नूतन अध्यक्ष श्रीशैल मेंथे आणि टीम येणाऱ्या वर्षात नक्कीच ठसा उमटवणारे काम करतील असा विश्वास व्यक्त केला.
Dehugaon:देहूत डॉक्टर्स असोसिएशनकडून वृक्षारोपण
Shankar Jagtap: पिंपरी-चिंचवडमध्ये अनधिकृत चर्चविरोधात कारवाईची मागणी — आमदार शंकर जगताप यांची विधानसभेत लक्षवेधी सूचना
नूतन अध्यक्ष श्रीशैल यांनी मनोगत व्यक्त करताना सामुदायिक विवाह सोहळा आम्ही एवढी वर्षे यशस्वीरित्या पार पाडले,क्लबचा आदर्श घेत विविध संस्थांनी मावळातील इतर भागात चालू केले,या गोष्टीचा आम्हाला अभिमान असून,शवदाहिनी प्रकल्प,आरोग्य,पर्यावरणपूरक,गरजू शालेय विद्यार्थ्यांसाठी मदत क्लब वेळोवेळी करत आलेला आहे.या वर्षी आरोग्य शिबिर,गाव दत्तक योजना,गर्भशयाच्या कर्करोग तपासणी असे विविध प्रकल्प सर्वांच्या सहकार्याने आपण पूर्णत्वास नेऊ असा विश्वास व्यक्त केला.
माजी अध्यक्ष कमलेश कार्ले यांनी आपल्या कार्यकाळाबद्दल समाधान व्यक्त करत नवीन टीमला शुभेच्छा दिल्या.
डिस्ट्रीक्ट मेंबरशिप डायरेक्टर रो विवेक दिक्षीत यांच्या उपस्थितीत क्लब मध्ये ४ नविन सदस्यांना रोटरी पिन देऊन क्लब सदस्यत्व दिले गेले
कल्याणी मुंगी व बुलेटिन टीम यांच्या संयुक्त प्रयत्नातून निर्मित बुलेटिन चे मान्यवरांच्या हस्ते प्रकाशन करण्यात आले.क्लबच्या ३२वर्षांच्या कालखंडातील सक्रिय माजी अध्यक्षांचा सत्कार करण्यात आला.
नूतन सचिव प्रसाद मुंगी यांनी सेक्रेटरी अनाउन्समेंट केली.सूत्रसंचालन नीलिमा बारटक्के व राजेंद्र पोळ यांनी केले, आभार उपाध्यक्ष प्रमोद दाभाडे यांनी मानले.या वेळी रोटरियंस, राजकीय, सामाजिक,शैक्षणीक व औद्योगिक क्षेत्रातील विविध मान्य॔वर उपस्थित होते.पदग्रहण समारंभ चेअरमन उध्दव चितळे, फेलोशिप चेअरमन गिरीश जोशी आणि ॲन्स मीट चेअरमन अर्चना चितळे यांच्या मार्गदर्शनाखाली पदग्रहण समितीने कार्यक्रम यशस्वी करण्यासाठी विशेष परिश्रम घेतले.
