मावळ ऑनलाईन – आजचे पंचांग. महिना – आषाढ – शुक्लपक्ष. तिथी – १२. शके १९४७. वार – सोमवार. तारीख – ०७.०७.२०२५. (Rashi Bhavishya 7 July 2025)
शुभाशुभ विचार – शुभ दिवस.
आज विशेष – सामान्य दिवस.
राहू काळ – सकाळी ७.३० ते ०९.००.
दिशा शूल – पूर्वेस असेल.
आज नक्षत्र – अनुराधा. चंद्र राशी – वृश्चिक.
मेष- (शुभ रंग- गुलाबी) Rashi Bhavishya 7 July 2025
राशीच्या अष्टमातून चंद्रभ्रमण होत असताना कोणतेही धाडस टाळणे हिताचे. जे काही चाललंय ते बरं चाललंय असं समजा. जोडीदाराच्या मताने घ्या.
वृषभ (शुभ रंग- स्ट्रॉबेरी)
गोडबोल्या मंडळींनी दिलेल्या आश्वासनांना बळी पडू नका. जणांचे ऐकून मनाचेच करा. वैवाहिक जीवनात आज जोडीदाराकडे मनमोकळे कराल.
मिथुन (शुभ रंग – जांभळा)
आज दिवस कष्टांचा आहे. आज तुमचे मनोबल ही कमीच असेल. महत्त्वाचे निर्णय घ्यायला उशीर करू नका. आज सहज काही मिळेल या भ्रमात राहू नका.
कर्क ( शुभ रंग- मरून)
कला क्रीडा क्षेत्रात असाल तर उत्तम संधी चालू येतील. कार्यक्षेत्रातील काही सुखद घटना तुमचा आत्मविश्वास वाढवतील. गृहिणी पार्लर साठी वेळ देतील.
Pavana Dam :पवना धरण ७५.६९ टक्के भरले; धरणातून विसर्ग वाढणार
सिंह ( शुभ रंग- पांढरा) Rashi Bhavishya 7 July 2025
आज काही घरगुती समस्यांवर लक्ष देणे तुम्हाला गरजेचे वाटेल. गृहिणीनी वेळात वेळ काढून आज मुलांच्या अभ्यासात डोकावणे हिताचे राहील.
कन्या (शुभ रंग- मोरपंखी)
सामाजिक कार्यकर्त्यांचा समाजातील मान वाढेल. आज तुम्ही आपले अधिकार वापरून इतरांची कामे कराल. घरगुती समस्यांकडे तुमचे दुर्लक्ष होईल.
तूळ (शुभ रंग- डाळिंबी)
आज कार्यक्षेत्रात तुमचे वक्तृत्व कामी येईल. नोकरीत वरिष्ठ तुमच्या अडचणी समजून घेतील. आज शेजारी जरा तिरकस नजरेने बघतील. दुर्लक्ष करा.
वृश्चिक ( शुभ रंग- हिरवा)
प्रत्येक गोष्टीकडे तुम्ही सकारात्मकतेने पहाल. नोकरीच्या ठिकाणी आज अधिकाऱ्यांची शाबासकी मिळवाल. सहकारी तुमच्या प्रभावात असतील.
Chakan Crime News :बंदुकीच्या धाक; भर रस्त्यात चोरट्यांचा थरार
धनु (शुभ रंग- क्रीम) Rashi Bhavishya 7 July 2025
कौटुंबिक गरजा वाढणार आहेत. काही खर्च भिडस्तपणा पायी करावेच लागणार आहेत. गृहिणींना रितीरिवाज सांभाळावे लागतील. मौल्यवान वस्तू जपा.
मकर (शुभ रंग- राखाडी)
आज घर खरेदी किंवा वाहन खरेदीच्या कामासाठी कर्ज मंजुरी होऊ शकेल. आज राशीच्या लाभातील चंद्र भ्रमण काही अनपेक्षित लाभ देईल.
कुंभ ( शुभ रंग- निळा)
ध्येय साध्य करण्यासाठी अथक प्रयत्नांशिवाय कोणताही शॉर्टकट नाही फक्त आपल्या कर्तव्याला प्राधान्य द्यायला हवे. अधिकारांचा गैरवापर करू नका.
मीन ( शुभ रंग – पिस्ता)
आज तुम्हाला आध्यात्मिक विषयामध्ये गोडी वाटेल. उच्चशिक्षित मंडळींना विदेश गमनाचे वेध लागतील. आज आजी आजोबा नातवंडांचे हट्ट पुरवतील.
शुभम भवतु!
– जयंत कुलकर्णी
ज्योतिष व वास्तुशास्त्र सल्लागार
9689165424
